Memleket basshysy Qasym-Jomart Toqaev Fransııaǵa memlekettik sapary barysynda Orano S.A. kompanııasynyń prezıdenti Nıkolıa Masty qabyldady, dep habarlaıdy Egemen.kz.
Qasym-Jomart Toqaev Orano S.A. kompanııasynyń Qazaqstanmen energetıka salasyndaǵy yntymaqtastyǵyn odan ári damytýda áleýeti zor ekenine nazar aýdardy.
Memleket basshysy atalǵan seriktestik elimizde joǵary tehnologııany ilgeriletýge, sonymen qatar Fransııany qaýipsiz ári senimdi tabıǵı ýranmen qamtamasyz etýge múmkindik beretinin atap ótti.
Kezdesýde ǵylymı-tehnıkalyq, sondaı-aq sırek kezdesetin metall óndirý men óńdeý salasyndaǵy qazaq-fransýz strategııalyq seriktestigin nyǵaıtý perspektıvalary talqylandy.
Orano S.A. – halyqaralyq iri ónerkásip kompanııasy, Fransııadaǵy atom ónerkásibiniń kóshbasshysy. Byltyr kompanııanyń kirisi 4,8 mıllıard eýrony qurady.