Bishkekte ótken Túrki memleketteri uıymynyń XI sammıtinde sóz sóılegen Qyrǵyzstan prezıdenti Sadyr Japarov túrkitildes halyqtar kitaphanasyn qurýdy usyndy, dep habarlaıdy Egemen.kz.
«Bul joba túrki áleminiń sımvoly jáne mádenı almasý alańy bolady», dedi Sadyr Japarov.
Esterińizge sala keteıik, 6 qarashada Bishkekte Túrki memleketteri uıymynyń kezekti XI sammıti ótip jatyr. Oǵan uıymǵa múshe bes memleket – Qazaqstan, Ázirbaıjan, Qyrǵyzstan, Túrkııa jáne О́zbekstannyń basshylary, sondaı-aq baqylaýshy el – Vengrııanyń basshysy qatysyp jatyr.