Densaýlyq saqtaý vıse-mınıstri Erbol Ospanov el azamattaryn vaksınasııalaý kezinde endi Face ID tehnologııasy qoldanylatynyn aıtty, dep habarlaıdy Egemen.kz.
Erbol Ospanov eGov júıesinde sıfrlyq qujatty QR kody arqyly rastaý qoldanylatynyn atap ótti.
«Bul sıfrlyq qujat tegin beriledi. Buǵan deıin de kópshiligimiz osy QR kodyn eGov júıesinde paıdalanyp jatyrmyz. Ekinshiden, Face ID tehnologııasy Densaýlyq saqtaý mınıstrliginiń jobasy, oǵan qarajat bólinbegen. Bul shamamen bir aıda ázirlengen qyzmet», dedi Erbol Ospanov.
Sondaı-aq, vıse-mınıstr pasıentterdi sáıkestendirý júıesin engizý úshin búkil Qazaqstan boıynsha emhanalar arnaıy veb-kameralar satyp alatynyn málim etti.
«Medısınalyq uıymdar pasıentti anyqtaý úshin veb-kameralardy satyp alýǵa mindetti. Kameralar 3000-4000 teńgeden, qymbaty 15 myń teńgeden bastalady. Biz quny 4000 teńgege jýyq kameralardy testileýden ótkizdik, olar qalypty, úzdiksiz jumys istep tur», dedi Erbol Ospanov.
Sheneýniktiń aıtýynsha, búginde Astanadaǵy 48 medısınalyq mekemede naýqastardy sıfrlyq sáıkestendirý júıesi ornatylǵan.