«Báıterek» UBH» AQ-nyń enshiles kompanııasy – «Agrarlyq nesıe korporasııasy» agroónerkásip keshenin (AО́K) damytýǵa zor úles qosyp keledi. Atap aıtqanda, kóktemgi egin egý men kúzgi jıyn-terin jumystaryn tómen paıyzben qarjylandyrady. Odan bólek, aýyl sharýashylyǵynyń barlyq salasyn qamtıtyn «Agrobıznes» baǵdarlamasyn sátti júzege asyryp jatyr. Korporasııa óńdeý ónerkásibiniń damýyna da qarjy bóledi. Osylaısha, elimizdiń azyq-túlik qaýipsizdigin qamtamasyz etýge basymdyq berip keledi.
Prezıdent tapsyrmasyn oryndaý aıasynda, Úkimet qoldaýymen 2025 jyldyń kóktemgi egin egý jáne kúzgi jıyn-terin jumystaryna 700 mlrd teńgege jýyq qarjy bólinedi. Onyń 560 mlrd teńgege jýyǵyn «Báıterek» UBH» AQ men «Agrarlyq nesıe korporasııasy» naryq kapıtalynan tartady.
«Biz kóktemgi egin egý men kúzgi jıyn-terin jumystaryn júrgizý úshin qarjylandyrýǵa ótinim qabyldaýdy bıyl erte bastap kettik. Jyl sońyna deıin 100 mlrd teńgeniń ótinimin qabyldaımyz dep josparlap otyrmyz. Sonymen qatar memlekettik qoldaý sharalary burynǵydaı saqtalady jáne fermerler nesıesin ádettegi sharttarmen tóleı alady», dedi «Agrarlyq nesıe korporasııasy» AQ basqarma tóraǵasy Almat Áshirbekov.
Aıta ketý kerek, bıyl korporasııa kóktemgi egin egý men kúzgi jıyn-terim jumystaryna 320 mlrd teńge bóldi. 2023 jyly 140 mlrd teńge berilgen edi.
«2022 jyldan beri «Agrarlyq nesıe korporasııasy» qarjylandyrý sharttaryn jeńildetip keledi. Eger buǵan deıin kóktemgi egin egý men kúzgi jıyn-terin jumystaryn júrgizýge bıýdjet qarajaty esebinen jylyna 5% mólsherleme boıynsha shamamen 60-70 mlrd teńge berilse, 2022 jyldan bastap bıýdjettik nesıeleý esebinen qarjylandyrý kólemin eki esege arttyrdyq jáne nesıeni qaıtarý merzimin ulǵaıttyq. Buryn nesıe qarajatyn jeltoqsan aıynda qaıtarý kerek bolǵan, biz naýryz aıyna deıin sozdyq. Bul fermerlerdi qoldaý úshin jasaldy. Bul – fermerlerdiń astyqtaryn qolaıly baǵada satýlary úshin berilgen múmkindik», deıdi Almat Áshirbekov.
Osylaısha, aýyl sharýashylyǵy taýaryn óndirýshiler memlekettik qoldaý sharalarynyń arqasynda barynsha qolaıly jaǵdaıda qarjylyq qoldaýǵa ıe bolady. Birinshiden, olar úshin «Keń dala 2» baǵdarlamasy boıynsha jyldyq syıaqy mólsherlemesi 5% deńgeıinde saqtaldy. Ekinshiden, kóbine agroónerkásip kesheni sýbektileri korporasııadan nesıe alýǵa kelgende kepildik jetispeýshiligi problemasyna tap bolady. Bul – aýyl sharýashylyǵy salasynyń barlyq kásipkeri men qoǵamdyq uıymdary aıtyp júrgen másele edi. Endi onyń da sheshimi bar. Memlekettik qoldaýdyń synaqtan ótken tetigine sáıkes, «Keń dala 2» baǵdarlamasy boıynsha «Damý» kásipkerlikti damytý qory kepildendiretin qural usynady.
О́z kezeginde, «Agrarlyq nesıe korporasııasynyń» enshiles kompanııasy «QazAgroQarjy» AQ jyldyq syıaqy mólsherlemesi 5% bolatyn jeńildetilgen lızıng baǵdarlamasyn iske qosty. Baǵdarlama otandyq óndirýshilerdiń aýyl sharýashylyǵy tehnıkasyn satyp alýy úshin 7 jylǵa deıingi merzimge qarjylandyrady. Búginde kóptegen qarjy ınstıtýty aýyl sharýashylyǵyn qarjylandyrady. Degenmen AО́K-ti qarjylandyrýdy qamtamasyz etýdegi negizgi úles «Agrarlyq nesıe korporasııasyna» tıesili. Birneshe jyldan beri korporasııa óz qyzmetin birtindep jaqsartyp keledi jáne sektordy qarjylandyrý kólemin arttyryp jatyr.
Keńes alý úshin jáne «Keń dala 2» baǵdarlamasyna ótinim berý úshin «Agrarlyq nesıe korporasııasynyń» aımaqtaǵy fılıaldaryna barý qajet. Qosymsha aqparatty «Agrocredit.kz» saıtynan alýǵa bolady. «Kcell», «Activ», «Beeline» abonentteri úshin 5353 Call center nómiri, «Tele 2», «Altel» úshin 8 701 006 19 91 telefon nómiri jumys isteıdi.