Bul rekordty ornatý úshin Qostanaı oblysy Qamysty aýylynyń turǵyndary «Baýyrsaq-Fest» festıvalin uıymdastyrǵan. Oǵan 60 uıym qatysqan, dep habarlaıdy Egemen.kz Jibek Joly arnasyna silteme jasap.
Rekordty rastaý úshin aýdanǵa Qazaqstan rekordtar kitabynyń resmı ókili kelgen. Aýyl turǵyndary barlyǵy 2339 keli 650 gramm baýyrsaq pisirip úlgergen. Aıta keteıik, buryn-sońdy elimizde mundaı kólemde baýyrsaq pisirilgen emes.
Eske sala keteıik, bul qostanaılyqtardyń birinshi álemdik rekordy emes. О́tken jyly olar bir kúnde 2300 qar adamyn jasap, Gınnestiń rekordtar kitabyna engen bolatyn.
«Osyndaı is-sharalardyń aýdan kóleminde uıymdastyrylǵany óte jaqsy. Barlyǵymyz jınalyp, qatysa alamyz. О́te qyzyqty. Bizdi bir maqsat biriktiredi, óńirimizdi jerge qaratpaýǵa tyrysamyz», deıdi aýyl turǵyny.