Bıylǵy qysqy syrǵanaý maýsymy ashyldy. Ishki týrızmdi damytýda azamattardyń amandyǵy, qaýipsizdigi qashanda mańyzdy.
Taýdaǵy qaýipsizdik Qazaqstandaǵy belsendi týrızm keń etek alyp jatqan shaqta aıryqsha mańyzǵa ıe. Munda jyl saıyn myńdaǵan adam joryqqa shyǵady, quzǵa órmeleıdi jáne basqa da demalys túrlerin tańdaıdy. Alaıda, taýda júrý tótenshe jaǵdaılardyń oqys oqıǵalary kórsetkendeı, baıypty daıyndyq pen tártipti qajet etetin, kez kelgen sátte basyńa qater tónýi múmkin meken sanalady. Taýda, qysqy maýsym kezeńinde qaýip-qater kóp, olardy belsendi demalystyń áýesqoılary jıi eleýsiz qaldyryp jatady. Bul ýaqytta taý, ásirese Almatynyń jergilikti turǵyndary men týrıstteri shańǵy, snoýbord teýip nemese jáı soqpaqta serýendep ýaqyt ótkizýdi qalaıtyn aýmaq qanshalyqty kórkem bolsa, sonshalyqty qaýipti. Tómen temperatýra, qar kóshkini qaýpi bar betkeıler men tosyn aýa-raıy erekshe bilim men daıyndyqty talap etedi. Jyl saıyn taýdaǵy jazataıym oqıǵalar kóbeıip otyr.
Tabıǵat aıasyna serýenge shyqqan adamdardyń qaýipsizdigi aıasyndaǵy áleýmettik-bilim berý jobalaryn júzege asyratyn Shymbulak Outdoor bóliminiń qurylǵanyna 2 jyldan asty. Eki jylda taýdaǵy júris-turys, adamdardyń jabaıy tabıǵatta seıildeý mádenıetin arttyrý boıynsha qoǵamdy habardar etip, birneshe jobany iske asyrdy. Bólimniń rezıdentteri men taý sportynyń ókilderi birigip Almaty qalasy mektepterinde, ýnıversıtetterinde jáne uıymdarynda aǵartýshylyq kezdesýler ótkizdi.
Osyǵan oraı qysqy syrǵanaý maýsymy qarsańynda Almaty taýlaryndaǵy qaýipsizdik taqyrybynda alǵash ret arnaıy is-shara ótedi. Tabıǵı qaterler boıynsha mamandar, qutqarýshylar, alpınızm nusqaýshylary, taý shańǵysy nusqaýshylary, tájirıbeli taý gıdteri ınteraktıvti formatta keńesterin ortaǵa salady. Taý betkeılerindegi qaýipsizdik erejeleri týraly «Shymbulaq» taý shańǵysy jáne snoýbord mektebiniń nusqaýshylary túsindirmek.
Is-shara 20 qarasha kúni Almaty qalasyndaǵy Novotel qonaq úıinde tańǵy 09:30-da bastalady.