Balalar álemine saıahat

Avtor atap aıt­qan­daı, ki­tapqa «bú­gingi mektep oqý­shylarynyń atalary men ájeleri balalyq shaqtarynda bastan keshken» oqıǵalary arqaý bolǵan. Osynaý belgili bir tarıhı kezeńde ómir súrgen balaýsa shákirtterdiń qyzyqty álemin elestetetin týyndylar toptamasy jas ulannyń oqýdaǵy, qoǵamdyq paıdaly eńbekterdegi is-áreketteri, izdenisteri, ózara dostyq qarym-qatynastary jaıynan syr shertedi.

Máselen, «Biz tabysar qıyr­­lar» hıkaıaty adamgershilik, azamattyq kóz­qarastary túr­lishe qalyptasyp kele jat­qan synyptastardyń pikir qaı­shy­lyǵy barysynda ózara qaqtyǵysyp qa­lýy men túsinisip, tatýlasýy jóninde tar­tymdy da taǵylymdy mysaldy alǵa tar­tady. Ártúrli turpattaǵy synyptas­tar minez-qulqyn arqaý etken «Meniń dosym» áńgimesi de oqyrmanyn beı-jaı qaldyrmaıdy. Balalardyń alǵashqy sezimderin sýrettegen ózge týyndylary da («Kem­pirqosaq – kók aspan», «Er­ke», t.b.) súısine oqısyz. Al «Bet­burys», «Tá­jirıbe, qoıan jáne biz» hıkaıattary ba­la­lardyń oqýdy sabaqtan tys jumystaǵy  ǵy­lymılyqqa para-par izdenisterimen qa­laı ushtastyrǵanyn, sol rettegi  qarym-qaty­nastaryn kórsetedi.

Jınaqtaǵy eki hıkaıat oqyr­mandy oqýshylardyń ǵy­­lymı-tehnıkalyq fantas­tıka kókjıeginde samǵaǵan qııal­darymen tanystyrady. Birinde («Batyr-Bolat pen Gúl-Jaýhar») oqý ozattary kosmos lıftimen kók­ke kóterilip, ǵaryshtaǵy demalys lage­rinde shym-shytyryq oqıǵalardy bas­tan keshse, keleside («Ǵaryshqa jaıaý saıa­­hat») taý ishindegi lagerde tynyǵyp júrgen oqý­shylar ózge ǵalamshardan kel­gen kemege kezigedi, túr-turpaty óz­de­­rindeı, biraq tańyrqarlyq qa­sıetke ıe ǵaryshker balamen tanysady...

Sondaı-aq «Senim», «Sy­nyp­tastar», «Armandastar» atty hıkaıattarda aýyl men qala mektepterinde oqıtyn jetkinshek, jasóspirim shákirt­terdiń arman-qııaldary, álemdi eresektershe tanýǵa tyrysýlary, bolashaqqa ózderinshe jos­par qurýlary jóninde áńgimelenedi.

Baljan HABDINA,

baspa  jáne  polıgrafııa  isiniń  qaıratkeri