Ashat Kýchıncherekovtiń «Baýyryna salý» fılmi Qazaqstannyń atynan 2025 jylǵy «Oskar» syılyǵynyń «Sheteldik úzdik fılm» nomınasııasyna resmı túrde tańdaldy, dep habarlaıdy Egemen.kz.
Bul qýanyshty jańalyqty fılm ujymy Instagram paraqshasynda jazǵan.
«Aýyl ómiri kóptegen qıyndyq pen aýyr eńbekten turady. Jas ereksheligine qaramastan, er balalar kishkentaıynan sharýashylyqqa eresektermen birge aralasady. Fılmniń bas keıipkeri Ersultan ájesimen birge turyp, osyndaı ómirdiń aýyrtpashylyǵyn sezindi. Biraq onyń álemi ájesiniń qaıtys bolýymen múldem ózgeredi», dep jazylǵan fılm sıpattamasynda.
Marapattaý rásimi 2025 jyldyń 2 naýryzynda Los-Andjeleste ótedi. Buǵan deıin, aqpannyń 11-18 aralyǵynda ótetin úshinshi irikteý kezeńinde ár nomınasııanyń fınalısteri anyqtalady.
Eger «Baýyryna salý» úzdikter qataryna ense, Qazaqstan tarıhynda «Oskar» syılyǵyna usynylǵan ekinshi fılm bolady. Buǵan deıin 2008 jyly Sergeı Bodrovtyń «Mońǵol» fılmi osy nomınasııada baq synaǵan edi.
Sonymen qatar taǵy bir otandyq týyndy – «Shekteýsiz úmit» fılmi Kalıfornııa kınofestıvalinde «Úzdik qysqametrajdy derekti fılm» nomınasııasynda jeńimpaz atanǵan edi.