Batys Qazaqstan oblysynda polıseıler kisi óltirdi degen kúdikpen 31 jastaǵy er adamdy izdestirip jatyr, dep habarlaıdy Egemen.kz.
«Moı gorod» basylymynyń dereginshe, oblystyq polısııa departamenti Danııar Maqsotovty izdep jatyr.
Kúdikti ortasha deneli, shashy qara, kózi qońyr.
- Kúdikti azamat týraly kórip-bilgender bolsa, BQO PD-niń kezekshi bólimine 102, 8 705 747 99 99, 8 7112 98 45 30 telefondary arqyly habarlasýdy suraımyz, - delingen habarlamada.
Aıta keteıik, 2024 jyldyń 5 aqpanynda messendjerlerde Abaı polısııa bóliminen habarlama taratyldy. Onda úsh er adamnyń «asa aýyr qylmys» jasaǵany úshin izdeýde júrgeni aıtyldy. Olardyń arasynda Danııar Maqsotovqa uqsas adamnyń sýreti de bolǵan.
2024 jyldyń 2 aqpanynda Dáýletkereı kóshesindegi jeke sektordan zorlyqpen ólim belgileri bar er adamnyń máıiti tabyldy. Sol kezde polıseıler qylmysqa qatysy bar degen kúdikpen úsh er adamnyń izdeýde júrgenin rastady.