Shyǵys Qazaqstan oblysynda óńirlik ǵylymnyń damýy máselelerine arnalǵan «Qýatty óńirlik ǵylym – qýatty óńir» taqyrybynda kóshpeli otyrys ótti. Basqosýda ǵylymdy damytý baǵytynda birqatar máseleler kóterilip, usynystar aıtyldy.
Eń bastysy, memleket basshysynyń nusqaýy boıynsha oblys ákimdikteri janynan basym baǵyttardy aıqyndaýǵa jáne ozyq tehnologııalardy engizýge arnalǵan Ǵylym jáne tehnologııalar jónindegi keńester quryldy. Fılıaldyń mindeti – bul jumysty barynsha tıimdi uıymdastyrý. Sonymen qatar, qurylymnyń mindetterine forsaıttyq nemese boljamdy, ǵylym men tehnologııalar boıynsha zertteýler, osy salalardaǵy halyqaralyq yntymaqtastyq, joǵary oqý oryndary men óndiristik kásiporyndardyń seriktestigine kómek berý.
Fılıal D.Serikbaev atyndaǵy Shyǵys Qazaqstan tehnıkalyq ýnıversıtetiniń bazasynda ornalasqan. S.Amanjolov atyndaǵy ýnıversıtettiń alańynda ashylǵan forsaıt – ortalyǵy boldy. Jıynda jańa ortalyqta mańyzdy baǵyttar belgilendi. Máselen, taý-ken jáne metallýrgııa ónerkásibinde boljam jasaý, jańa tehnologııalardy izdeý, onyń ishinde energııa tıimdiligin arttyrý. Sondaı-aq, qorshaǵan ortaǵa tehnogendik áserdi azaıtyp, agrarlyq salada ınnovasııalardy izdeýdi kózdep otyr. Shyǵys Qazaqstan oblysy Qytaımen jáne Reseımen shekaralas ekenin eskere otyryp, kóliktik-logıstıkalyq ınfraqurylymdy damytý jáne tıisinshe óńirdiń eksporttyq áleýetin, týrızmdi keńeıtý boıynsha zertteýler de josparlanǵan.