Memlekettik (mýnısıpaldyq) satyp alýdy júzege asyrý kezinde bank kepildikterin ózara taný jónindegi kelisim ratıfıkasııalandy. Kelisim 2023 jyly 29 tamyzda Máskeýde jasalǵan, dep habarlaıdy Egemen.kz Májilistiń baspasóz qyzmetine silteme jasap.
Qujatta memlekettik satyp alý kezinde kepildikteri Odaqqa múshe basqa memleketterde tanylatyn bankterge qoıylatyn biryńǵaı talaptar, osyndaı bankterdiń tizbesin qalyptastyrý tásilderi, berilgen bank kepildikteriniń tizilimin júrgizý tártibi aıqyndalady.Kelisimdi ratıfıkasııalaý – memlekettik satyp alý salasynda uzaq merzimdi jáne turaqty negizdegi yntymaqtastyqty nyǵaıtýǵa, EAEO-ǵa múshe bir memlekettiń aýmaǵynda tirkelgen áleýetti ónim berýshiler men ónim berýshilerdiń basqa múshe memlekette ótkiziletin memlekettik satyp alýǵa qatysýǵa kedergisiz qol jetkizýine baǵyttalǵan.