Búginde úsh kezeń sheńberinde Jalpyǵa birdeı deklarasııalaý júıesimen 4 mln astam adam, onyń ishinde memlekettik qyzmetshiler, kvazımemlekettik sektor basshylary, bıznes ókilderi men olardyń jubaılary qamtyldy. Bul shamamen 4,8 mln adamdy quraıdy, dep habarlaıdy Egemen.kz Qarjy mınıstrliginiń Memlekettik kirister komıtetine silteme jasap.
Halyqqa yńǵaıly bolý úshin salyq tóleýshiniń kabıneti arqyly deklarasııalardy tapsyrý boıynsha elektrondy servıster jolǵa qoıylǵan. Aıtalyq, búginde (cabinet.salyk.kz), «Elektrondy úkimettiń» veb-portaly (egov.kz), e-Salyq Azamat (salyq ámııany), eGov mobile, Halyk, «Bank Sentr kredıt» jáne «Kaspi» mobıldi qosymshalary kópshilikke qoljetimdi.
Azamattardyń qalǵan sanattary boıynsha deklarasııalardy usyný boıynsha mindettemeler 2025 jyly jalǵasady. Atap aıtqanda, 4 kezeńde zeınetkerler, úı sharýasyndaǵy azamatshalar, stýdentter jáne t.b. qamtylýǵa tıis. Bul shamamen – 8 mln adam quraıdy.
Memleket basshysynyń Jalpyǵa birdeı deklarasııalaý tásilderin qaıta qaraý týraly tapsyrmasyn iske asyrý úshin elimizden tys aktıvteri bar adamdardy qospaǵanda, azamattardyń osy sanatyn aktıvteri men mindettemeleri týraly deklarasııalardy usynýdan bosatý usynylyp otyr.
«Buǵan memlekettik organdardyń derekter bazasyn sıfrlandyrý, qolma-qol aqshasyz tólemderdiń joǵary úlesi (86%), avtomattandyrylǵan salyqtyq baqylaý, halyqaralyq kelisimder sheńberinde qarjylyq shottar boıynsha derekter almasý, sondaı-aq sıfrly qyzmetterdiń keń qoljetimdiligi yqpal etip otyr. Qarjy mınıstrligi shetelde aktıvteri bar tulǵalarǵa, saılaýǵa túsýge quqyǵy bar azamattarǵa, memlekettik laýazymǵa ornalasýǵa jáne olarǵa teńestirilgen kandıdattar úshin, sondaı-aq bankterdiń, baǵaly qaǵazdar naryǵynyń, saqtandyrý uıymdarynyń iri qatysýshylary bolǵysy keletinder úshin aktıvter men mindettemeler týraly deklarasııany (250.00 SEN) usyný jónindegi mindetti saqtaýdy usynyp otyr», delingen habarlamada.
Sondaı-aq azamattarǵa aktıvter men mindettemeler týraly deklarasııany óz erkimen usyný quqyǵy beriletinin atap ótken jón.
Bul rette memlekettik qyzmetshilerge, kvazımemlekettik jáne jeke kompanııalardyń basshylaryna, quryltaıshylarǵa (onyń ishinde 25% astam jáne odan da kóp aksııa ıelenýshilerge), olardyń jubaılaryna, sondaı-aq Qazaqstan Respýblıkasynan tys jerlerde aktıvteri bar jáne (nemese) derbes salyq salynatyn tabys alǵan adamdarǵa kiristeri men múlki týraly jyl saıynǵy deklarasııany (270.00 SEN) tapsyrý jónindegi mindet saqtalady.
Qosymsha quny 20 000 AEK (74 mln teńge) asatyn iri satypalym jasaǵan tulǵalar úshin osyndaı mindetti belgileý usynyldy.