Aýstralııa úkimeti áleýmettik jelilerdi paıdalaný úshin eń tómengi jasty 16 jastan belgileıtin ınnovasııalyq zań qabyldady, dep habarlaıdy Egemen.kz.
Atalǵan zań jas avstralııalyqtardy olardyń damýynyń mańyzdy kezeńderinde kóbirek qorǵaýdy qamtamasyz etýge baǵyttalǵan.
Zań áleýmettik medıa platformalaryn 16 jasqa tolmaǵan adamdardyń tirkelýine jol bermeý úshin aqylǵa qonymdy sharalar qabyldaýǵa mindetteıdi. Sonymen qatar bul sharalardy qamtamasyz etý jaýapkershiligi ata-analarǵa nemese jastarǵa emes, áleýmettik medıa platformalaryna júkteledi.
Bul rette onlaın oıyndarǵa, sondaı-aq Headspace, Kids Helpline, Google Classroom jáne YouTube sııaqty bilim men densaýlyqqa qatysty qyzmetterge qoljetimdilik saqtalady.
«Biz avstralııalyq balalardyń balalyq shaǵy bolǵanyn qalaımyz, al ata-analar úkimetti qoldaıdy», dedi premer-mınıstr Entonı Albaneze.