Túrkistan oblysy ákimdiginiń qoldaýymen Qarjylyq monıtorıng agenttigi «AML ACADEMY» akademııasynyń uıymdastyrýymen Túrkistan qalasynda quqyqtyq jáne qarjylyq saýattylyqty arttyrý maqsatynda aýqymdy forým ótti, dep habarlaıdy Egemen.kz.
Is-sharaǵa 500 myńnan astam adam, onyń ishinde mádenıet, sport, ǵylym, memlekettik qyzmetkerler, din qyzmetkerleri, bıznes, qoǵamdyq uıymdar, mektep oqýshylary men stýdentter qatysty.
Forým aıasyndaǵy is-sharalar bir ýaqytta 5 orynda uıymdastyryldy: qalanyń ákimshilik-iskerlik ortalyǵy, O.Jarylqapov atyndaǵy Ortalyq stadıon, H.A.Iаsaýı atyndaǵy Halyqaralyq qazaq-túrik ýnıversıteti, IUTH – Halyqaralyq týrızm jáne qonaqjaılylyq ýnıversıteti kópsalaly keshen Kongress-holl.
Oqýshylar men stýdentterge arnalǵan paneldik sessııalar, qyzý pikirtalastar, ıntellektýaldyq vıktorınalar men qyzyqty saıystar ótkizildi.
«Jas urpaqtyń boıynda quqyq tártibi men zańdy qurmetteý mádenıetin tárbıeleýge arnalǵan «úlken úzilis» kezinde stýdentter daıyndaǵan fleshmobqa erekshe nazar aýdaryldy.
Sonymen qatar kásibı psıhologtar jeke tulǵanyń damýy men qumar oıyndarǵa táýeldilik ımmýnıtetin qalyptastyrýǵa arnalǵan trenıngter men dárister ótkizse, shyǵarmashylyq teatr ujymdary alǵash ret oıynǵa táýeldilikke qarsy turý taqyrybynda qoıylym usyndy», delingen QMA baspasóz qyzmeti taratqan habarlamada.
Mundaı is-sharalar qarjylyq saýattylyqty arttyrý, jastar arasynda quqyqtyq mádenıetti nasıhattaý, qarjylyq pıramıdalar men qumar oıyndardyń aldyn alý, esirtkiniń, esirtki bıznesiniń taralýyna qarsy turý jáne kıbergıgıenany saqtaýǵa baǵyttaldy.