Qylmystyń aldyn alý – mindet

Qylmystyq-atqarý júıesiniń Almaty oblysy boıynsha depar­tamenti bastyǵynyń orynbasary, ádilet polkovnıgi Ernat Aqyl­janovtyń uıymdastyrýymen «Nur Otan» partııasy Almaty oblystyq fılıalynyń májilis zalynda keńes ótti. Oǵan atalǵan júıe jáne LA-155/16 mekemesi men Memlekettik qyzmet isteri jáne sybaılas jem­qorlyqqa qarsy is-qımyl depar­tamentiniń qyzmetkerleri qatysty. «Elbasynyń el ekonomıkasyn damytýdaǵy saıasatyn júzege asyrýda óńirlerdiń órkendeýine, áleýmettik damýyna kedergi bolyp otyrǵan ózekti másele – sy­baılas jemqorlyq. Quqyq buzýshylyqtyń aldyn alý, joıý, jol bermeý baǵytynda bizdiń tarapymyzdan birqatar sharalar atqarylýda. Alaıda, qylmystyq-atqarý ıns­peksııa qyzmetkerleri arasynda aramza, teris oıly, ózgeniń menshigine qol salatyn adamdar anyqtaldy. Zańdy belden basý  quqyqtyq júıege salǵan tańba bolyp tabylady» dedi Ernat Aqyljanov. Kelesi kezekte, «Nur Otan» partııasy Almaty oblystyq fılıa­lynyń ókilderi sybaılas jem­qorlyqqa jol bermeý jaıynda aıtty. Kezdesý sońynda «Sybaılas jemqorlyqqa qarsy kúres týraly» Zańnyń aıasynda qalmystyq-atqarý júıesinde tártip saqtaý jáne zań buzýshylyqtardyń aldyn alý, eskertý, joldaryn kesý is-sharalaryn kúsheıtý jumystaryn jalǵastyrý jóninde sheshim qa­byldandy. Nurbol ÁLDIBAEV, «Egemen Qazaqstan». TALDYQORǴAN.