Chehııada ótken kesh

Qazaqstannyń Halyq ártisi Nurjamal Úsenbaevany jer­gilikti jurt jaqsy biledi. Shyǵarmalaryn súıip tyń­daıdy. Klassıkalyq mýzyka talantynyń Jofın saraıyn­da óner kórsetýi erek már­te­besin kórsetedi. Qazaq-cheh ár­tisteriniń bir­lesken jobasy elimizdiń ulttyq merekesi  – Respýblıka kúnine arnaldy. Mádenı is-shara Praga meriniń joǵary patronatymen jáne dıplomattarymyzdyń qoldaýymen ótti. Kon­sert­te dástúrli ánder men klas­sıkalyq týyndylar shyr­qaldy. Al Sol­tústik Che­hııa or­kestri Tóle­gen Muha­med­ja­novtyń sımfo­nııalyq mýzykasyn oryndady.

Kesh sońynda chehııalyq dırıjerge qazaq halqynan estelik retinde Mahambet poemasynyń partıtýrasyn syıǵa tartty.

«Búgingideı keshter kóp­shilikke resmı is-sharalardan góri áserli bolary anyq. Naǵyz júrekten jú­rekke jetetin osyndaı basqosýlar kóbirek bol­syn dep aıtamyn. О́ıtkeni neǵurlym adamdar arasynda tatýlyq bolsa, soǵurlym beıbitshilikti saqtap qalamyz», dedi kompozıtor Tólegen Muhamedjanov.

Úlken sahnada álemge áı­gili arııalar da oryndaldy. Qa­zaq sopranosy cheh tilinde, al cheh barıtony Muqaǵalı Maqataevtyń sózine jazylǵan «Otan» ánin shyrqaǵanda jı­nalǵan qaýymnyń yqylasy erekshe bilindi.

«Mýzyka tili aýdarmany qajet etpeıdi. Mýzykant retinde bizge adamdardy óner arqyly biriktirý úlken baqyt», deıdi ope­ra ánshisi Fı­lıp Bandjak.

«Qazaqstan men Chehııanyń mádenı baılanysyn nyǵaıta­tyn kóptegen joba uı­ymdas­tyryp jatyrmyz. Eldegi kon­sert­terge cheh ártisteri kelip tu­rady. Son­dyq­tan bizdiń dos­tyǵy­­myz, bizdiń baılanysymyz be­kem», deıdi Nurjamal Úsenbaeva.

Iá, atalǵan keshtiń basty juldyzdary birlesken joba­lardy burynnan beri júzege asyryp keledi. Sonymen qa­tar Nurjamal Úsenbaeva men Fı­lıp Bandjak Eýropa óneri oda­ǵynyń joǵary marapatyn ıe­len­gen úsh­tiktiń qataryna kiredi.

Vatıkannyń Chehııadaǵy el­shisi Djýt Taddeýs Okolo da eki el ara­syndaǵy mádenı baı­lanys­tardyń aldaǵy ýaqytta da jal­ǵasatynyna senimdi ekenin aıtty.

«Bul – óte jaqsy bastama. Jalpy, adamdar arasynda beı­­bitshilik sezimin uıalatýdyń ma­­ńyzy óte zor. Qazaqtar men chehtar óz tilderinde sóı­les­se de, birin-biri jaqsy túsi­netindeı bo­lyp kórinedi m­aǵan. Demek bir baı­lanys bar», deıdi ol.

Eki el ártisteriniń qaty­sýy­men ótken gala-konsert kó­rermen qaýymdy da eki eldiń óne­rine jaqyndastyra túskeni anyq. Al Qazaqstan tarapy Fılıp Bandjakty beıbitshilik elshisi dep jarııalady.