Rýhanı dıplomatııanyń mańyzyn zerdeledi

Senat spıkeri Orys Pravoslavıe shirkeýine Álem­dik jáne dástúrli dinder lı­der­leriniń sezin jan-jaq­ty qoldap, jahandyq dinara­lyq dıalogti nyǵaıtýǵa jáne rýhanı dıplomatııany halyq­aralyq deńgeıde damy­týǵa járdemdeskeni úshin rıza­shylyǵyn bildirdi.

Sondaı-aq M.Áshimbaev Qazaq­standaǵy Pravoslavıe qaýy­my eldiń birligin artty­rýǵa úlken úles qosyp otyr­ǵanyn atap ótti. Suhbat barysynda Palata tóraǵasy VIII sezge daıyndyq kúrdeli jahan­dyq syn-qaterler jaǵ­daıynda ótip jatqanyna nazar aýdaryp, mundaı ahýal rýhanı kóshbasshylardyń kúsh-jigerin jumyldyrýdy talap etetinin aıtty. Atalǵan túıt­kilder klımattyń ózgerýi, bıologııalyq qaýip, ekono­mıkalyq toqyraý, kedeılik­tiń artýy sııaqty ózekti máse­lelerdiń saldarynan odan ári shıelenise túsetini anyq.

«Búgingi qalyptasqan jaǵ­daıda dinı, saıası jáne qoǵamdyq kóshbasshylardyń birlesip áreket etýiniń ma­ńyzy zor. VIII sezd «Dinder dıalogi: bolashaq jolyndaǵy sı­ner­gııa» taqyrybyna arnalady. Osyǵan baılanysty halyqaralyq qoǵamdastyqtyń aldynda turǵan ózekti problemalardy sheshý jolynda din kóshbasshylarynyń kúsh-jigerin biriktirý máseleleri talqylanady. Sondyqtan sezde syndarly jáne mazmundy pikirtalastar bolyp, atalǵan máseleni sheshýdi kózdeıtin jańa ıdeıalar aıtylady dep senemin. Bul qadam álemdik mádenıetter men dinderdi odan ári jaqyndastyrýǵa tyń serpin bereri sózsiz», dedi M.Áshimbaev.

О́z kezeginde Máskeý jáne Búkil Reseı patrıarhy Kırıll Qasym-Jomart Toqaevqa Álemdik jáne dástúr­li din­der lıderleriniń VIII sezi­ne shaqyrǵany úshin alǵys bil­dir­di. Sondaı-aq ol Orys Pravoslavıe shirkeýi Qazaq­standaǵy túrli din ókilderi ara­syn­daǵy beıbitshilik pen ynty­maqtastyq ıdeıalaryn dáripteýge arnalǵan bastamalardy qoldaıtynyn jetkizdi.