Onyń ne aıtqysy keldi eken?

Sharaına Nıderlandtyń Hılversým qalasyndaǵy «NOS» ulttyq telekompanııasynyń stýdııasyna tapanshamen qarýlanǵan adam basyp kirip, ózine efırge shyǵýǵa múmkindik jasaýyn talap etken. Qara kostıým-shalbar kıip, galstýk taqqan ol telearna stýdııasyna jergilikti ýaqyt boıynsha saǵat 20.00 shamasynda kúzetshini tapanshamen qorqytyp kirgen. Sondaı-aq, ol «álemdik mańyzy bar másele» jóninde aıtqysy keletinin málimdepti. Álgi adam «bizdi arnaıy qyzmet jaldady» dep te qosqan sııaqty sózine. Kóp keshikpeı ony polısııa tutqyndap, qolyna kisen saldy. Oqıǵa saldarynan telehabar taratý biraz ýaqytqa toqtap qaldy. Hrıstıan avtonomııasyn qurýdy usyndy Amerıkalyq senatorlar Iraktyń Nınevıı ańǵarynda hrıstıandar úshin avtonomııalyq provınsııa qurýdy usyndy. Iraktyq aqparat agenttiginiń habarlaýynsha, 17 senator AQSh-tyń memlekettik hatshysy Djon Kerrıge hat arqyly osyndaı usynys bildirgen. Hatta, sondaı-aq, amerıkalyq bıliktiń Irakta turatyn hrıs­tıandardy qýdalaýdy toqtatýǵa yqpal etýi kerektigi de kórsetilgen. О́tken jyly «Islam memleketiniń» sodyrlary Nınevıı ańǵaryndaǵy hrıstıan­dardy qýǵynǵa ushyratyp, 200 myńǵa jýyq adam Iraktyń Kúrdis­tan aýmaǵyna qonys aýdarýǵa májbúr bolǵan edi. Atap óteıik, ótken jyl­dyń basynan beri belsendi qımyl tanytqan «Islam memleketi­niń» sodyrlary Irak pen Sırııanyń biraz jerlerin basyp alǵan bolatyn. Resmı túrde qaza tapqan dep tanyldy О́tken jyldyń 8 naýryzynda iz-túzsiz joǵalǵan malaızııa­lyq ushaq bortyndaǵy jolaýshylar resmı túrde qaza tapqan dep tanyldy. Bul jóninde Malaızııa azamat­tyq avıasııa departamentiniń basshysy A.Rahman málimdedi. Sonymen qatar, ol ushaqta bolǵan oqıǵany kezdeısoq jaǵdaı dep atady. Onyń sózine qaraǵanda, ushaqtyń synyqtary da tabylmady. Biraq, el bıligi ushaqty izdestirý jumystaryn jalǵastyra bermek. «Boıng 777» ushaǵynyń bortynda 14 memlekettiń 227 jolaýshysy jáne 12 ekıpaj múshesi bar edi. Qazirge deıin ushaqtyń qandaı jaǵdaıǵa ushyraǵany belgisiz bolyp otyr. Ulybrıtanııa «buzdy» deıdi, al Reseı... Reseıdiń Ulybrıtanııadaǵy elshisi Aleksandr Iаkovenko Reseı áskerı áýe kúshteriniń ushaǵy halyqaralyq normany buzdy degen aıypty joqqa shyǵardy. Dıplomattyń málimdeýinshe, Reseıdiń Tý-95 MS eki bombalaýshy ushaǵy La-Mansh buǵazynyń ústimen ushý kezinde ushýdy retteý erejesin qatań saqtaǵan. Osy oqıǵaǵa baılanys­ty beısenbi kúni reseılik dıplomat eki áskerı ushaqtyń «Birikken Koroldiktiń áýe shekarasyna jaqyn ushýyna» qatysty túsinik berýi úshin Ulybrıtanııanyń syrtqy ister mınıstrligine shaqyrylǵan edi. Reseı dıplomatııalyq mıssııasynyń habarlamasynda «brıtandyq taraptyń alańdaýy túsiniksiz» ekendigi, áskerı eki ushaq Atlant muhıty ústimen patrýldik qyzmetti atqarý barysynda halyqaralyq norma erejesinen aýytqymaǵandyǵy aıtylǵan. Derek kózderine qaraǵanda, osyǵan baılanysty Koroldiktiń áskerı áýe kúshteri eń joǵary daıyndyq deńgeıine keltirilgen. Otyz úsh avtomobıldi «búldirdi» Argentına astanasy – Býenos-Aırestegi Heneral-Pas dep atalatyn avtokólik jolynda jóndeý qyzmetiniń júk tasymaldaýshy kóligi 33 avtomobıldi qara shaıyrmen (smola) «kómkerip» tastady. Kúrejolmen júıtkip kele jatqan júk mashınasy tehnıkalyq aqaýlyǵyna baılanysty qarsy jolaqtaǵy avtomobılderge shaıyrdy búrkip, shasha bastaǵan. Sonyń saldarynan shaıyr 30 adamǵa tıgen, olardyń onshaqtysy ártúrli dárejede jaraqat alypty. Aýrýhanaǵa jatqyzylǵandar da bar. Jedel járdem qyzmetiniń basshysy A.Kreschentıdiń aıtýynsha, jaraqattanǵandardyń kópshiligin kúıik shalǵan. О́mirlerine qaýip joq. Prezıdenttikke kandıdatty anyqtaı almaýda Qańtar aıynyń ortasynda Italııanyń 89 jastaǵy prezıdenti Djordjo Napolıtano otstavkaǵa ketken edi. El konstıtýsııasy boıynsha prezıdentti eldiń parlamenti saılaıdy. Prezıdent saılaýynyń birinshi týry 29 qańtarǵa belgilengen bolatyn. Bıliktegi Demokratııalyq partııa men eks-premer Sılvıo Berlýskonıdiń jaqtastary ózderiniń prezıdenttikke kandıdattaryn anyqtaı almaǵandyqtan, saılaý keıinge qaldyryldy. Qazirshe resmı túrde bir kandıdat qana belgili bolyp otyr. Ol – oppozısııalyq «Lıga Severa» men «Bratıa Italıı» partııalary usynǵan jýrnalıst Vıttorıo Feltrı. Al S.Berlýskonı osydan eki kún buryn prezıdenttikke kandıdat usyný máselesi talqylanyp jatqanyn málimdegen edi. Fransýz taýarlaryn satyp almaýǵa shaqyrdy Qyrǵyzstandyq musylmandar turǵyndardy «Sharlı Ebdo» jýrnalynda jarııalanǵan Muhammed paıǵambardyń karıkatýrasyna qarsylyq retinde fransýzdyq taýarlardy satyp almaýǵa shaqyrdy. Qazirgi kezde Qyrǵyzstannyń Osh oblysynda Paıǵambarǵa súıispenshilik aptalyǵy ótip jatyr. Oblystyń barlyq meshitterinde Paıǵambardyń ómiri keńinen tanystyrylýda. Osyǵan baılanysty Osh oblysynyń Nookat aýdanynda «Men ózimniń Paıǵambarymdy súıemin» degen atpen mıtıng ótti. Oǵan qatysýshylar turǵyndardy fransýz taýarlaryn satyp almaýǵa shaqyrdy. Qysqa qaıyryp aıtqanda: *Sırııaǵa qatysty kelissózderdiń ekinshi raýndy Máskeýde aqpannyń sońynda nemese naýryzdyń basynda ótýi múmkin. Muny sırııalyq oppozısııanyń ókili Kadrı Djamıl málimdedi. * Aq úı ókili Djosh Ernest AQSh Kýbadaǵy Gýantanamo áskerı-teńiz bazasy aýmaǵyn qaıtarmaıtynyn atady. Gýantanamodaǵy bazany qaıtarý jónindegi suraqqa ol «joq» dep jaýap beripti. * Salvadorda polıseılerdiń júrgizgen reıdi barysynda kóshe bandylarynyń 117 múshesi ustaldy. Olardan iri kólemde qarý-jaraq pen oq-dári alyndy. * AQSh-tyń memlekettik hatshysy Djon Kerrıge tura­tyn úıiniń aınalasyndaǵy qardy tazalamaǵany úshin 50 dollar mólsherinde aıyppul salyndy. Baspasóz hatshysy onyń bul aıyppuldy rızalyqpen tóleıtinin aıtqan. Internet materıaldary negizinde ázirlendi.