Jarys kúndeligi

Short-trekten Italııanyń Bormıo qalasynda ótken «Alta Valtellina Trophy» týrnırinde Valerıı Klımenko 500 metrlik saıysta kúmis medaldy ıelendi. Dál osy qashyqtyqta baq synaǵan Aıbek Temirhan besinshi orynǵa taban tiredi. Kelesi kúni qorjynymyz qos altynmen tolyqty. Onyń ıegerleri – Nurtilek Qajyǵalı (1000 metr) men erler quramasy (estafeta). Qytaıdyń Makaosynda uıymdastyrylǵan UFC «Fight Night» týrnırinde qytaılyq baýyrymyz Maqsat Qaısar (10-3) brazılııalyq Nıkolas Mottamen (14-5) kúsh synasty. О́kinishke qaraı, bul jarysta qandasymyzdyń joly bolmady. Ol qarsylasyna upaı sanymen ese jiberdi. Reseılik Iýlııa Gotovkomen juptasyp óner kórsetken Jibek Qulambaeva Portýgalııada ótken ITF týrnıriniń jeńimpazy atandy. Fınalda olar Polına Iаsenko (Reseı) men Hanne Vandevınkelden (Belgııa) 6:3, 1:6, 10:4 esebimen basym tústi. Al jekelegen básekede Jibek 1/8 fınalda súrindi. Ol germanııalyq Katarına Hobgarskıge jol berdi – 2:6, 0:6. 6-15 jeltoqsan aralyǵynda Bahreınniń astanasy – Manamada álem chempıonaty ótetini belgili. Asa jaýapty jarys qarsańynda oqý-jattyǵý jıynyn Almaty oblysy aýmaǵynda ótkizgen otandyq ziltemirshilerimiz sońǵy daıyndyq jumystaryn Parsy shyǵanaǵynda pysyqtaýdy jón kórdi. Keshe jerlesterimiz Manamaǵa attandy. Aralas jekpe-jekten Alma­tyda ótken «Naıza 69» týrnıriniń basty básekesinde Rústem Qudaı­bergenov (8-5) ýkraınalyq Danııl Donchenkomen (10-2) aıqasty. Bes raýndqa sozylǵan jeńil salmaq­taǵy chempıondyq táj jolyndaǵy tartysta qazaq faıteri qarsy­lasynan upaı sanymen utyldy. Qurlyqtyq hokkeı lıgasynda (QHL) kúsh synasyp júrgen «Barys» kezekti týr oıynyn Astanada Om­bynyń «Avangardyna» qarsy ót­kizdi. Báseke barysynda eki shaıba aıyrmashylyǵymen alda kele jatqan jerlesterimiz aqyry overtaımda 2:3 esebimen jeńilistiń kermek dámin tatty.