Túrkistan oblysynda 2023 jyldan bastap banan ósiretin biregeı jylyjaı kesheni jumys isteıdi. Jobany «GenGroupKazakhstan» kompanııasy júzege asyrdy. Ol zamanaýı jylyjaılardy qurýmen aınalysady jáne ártúrli aýyl jáne tropıkalyq daqyldaryn ósiredi, dep habarlaıdy Egemen.kz.
Investorlar Túrkııanyń aýyl sharýashylyǵyn damytý tájirıbesin zerttedi. Bul rette klımattyq jaǵdaılarǵa tózimdilik máselelerine erekshe nazar aýdaryldy. Aýa raıy jaǵdaılary men topyraqtyń sıpattamalaryn muqııat taldaǵannan keıin Túrkistan oblysynyń Saıram aýdanynda banan ósirý týraly sheshim qabyldandy.
5 ga alqaptaǵy alǵashqy jylyjaı 2023 jyldyń maýsymynda paıdalanýǵa berildi. 2024 jyldyń mamyr aıynyń sońynda alǵashqy ónimder jınaldy.
Qazirgi ýaqytta «GenGroupKazakhstan» kompanııasy qyzanaq pen qulpynaı ósiretin jańa jylyjaı keshenin salýdy josparlap otyr. Aýdany 6 ga jańa jylyjaıdyń qýattylyǵy - 3 myń tonna qyzanaq, 130 tonna qulpynaı ósirýge qarastyrylǵan. Jobanyń jalpy quny 13,4 mlrd teńgege baǵalanady, al jobalardy iske asyrý 2025 jyldyń sońyna deıin aıaqtalady.
Sondaı-aq, qazirgi ýaqytta 10 ga ashyq jerge mango, avokado jáne kókjıdek ósirý jobasy ázirlenýde.