ASTANA. 31 qańtar. Ispanııa men Slovakııada ótip jatqan qysqy Ýnıversıadanyń 6-kúni Qazaqstan qorjynyna taǵy úsh kúmis medal tústi. Bul týraly egemen.kz habarlady.
Erler arasyndaǵy shańǵymen estafetalyq jarysta jigitterimiz márege ekinshi bolyp jetip, kúmis medalǵa qol jetkizdi. Komanda sapynda Aleksandr Malyshev, Evgenıı Velıchko, Evgenıı Bondarenko jáne Mark Starostın boldy. 4h7,5 shaqyrymǵa sozylǵan jarysta reseılik shańǵyshylar Ýnıversıada chempıony atandy. Olar atalǵan qashyqtyqty 1 saǵat 22 mınýt 49,0 sekýndta júrip ótti. Al bizdiń jigitter jeńimpazdardan 1:53,7 ýaqyt qalyp qoıdy. Qola júlde chehııalyqtarǵa buıyrdy. Olar márege reseılikterden 2:57,0 ýaqyt keshigip jetti.
Kelesi kúmis medaldyń ıegerleri bıatlonshy qyz-jigitterimizdiń enshisinde. Bıatlonnan aralas estafeta boıynsha 2h6+2h7,5 shaqyrymdyq jarysta baq synaǵan sportshylarymyz Galına Vıshnevskaıa, Anna Kıstanova, Maksım Braýn jáne Vasılıı Podkorytov reseılik qarsylastaryn ǵana alǵa jiberip, márege ekinshi bolyp keldi. Qola júldeni ýkraınalyq sportshylar oljalady. Jarys jolynda bıatlonshylar 8 márte nysana kózdegenin aıta keteıik. Úzdik úshtiktiń ýaqyt kórsetkishteri mynadaı:
Reseı – 1:36:38,4 (0+6);
Qazaqstan – +33,2 (0+7);
Ýkraına – +49,2 (4+8).
Altynshy jarys kúni qorjynymyzǵa túsken úshinshi kúmis medaldi shańǵyshy qyzdarymyz oljalady. Olar 3h5 shaqyrymdyq estafetalyq jarysta taǵy da Reseı sportshylaryna ese jiberdi. Reseılikter jarys jolyn 47:47,1 ýaqyt aralyǵynda júrip ótse, sapynda Anna Stoıan, Vıktorııa Lanchakov jáne Anastasııa Slonovalar bar qazaqstandyq komanda 48:30,7 ýaqytta márege jetti. Al bul jarystyń qola júldesi jeńimpazdardan 1:31,1 ýaqyt qalyp qoıǵan Fransııa shańǵyshylarynyń enshisinde ketti.
Atalǵan úsh kúmis medaldan soń Qazaqstan qaıtadan jalpykomandalyq týrnır kestesinde ekinshi orynǵa kóterildi. Búginde qorjynymyzda 2 alty jáne 4 kúmis medal bar. Al 12 altyn, 10 kúmis jáne 10 qola medali bar Reseı jeke-dara kósh bastap keledi. Beıresmı eseptegi úzdik úshtikti ázirge Polsha túıinde tur. Olardyń enshisinde 2 altyn, 1 kúmis jáne 2 qola medal bar.
Elaman Qońyr.
Derek: egemen.kz.
Sýret: tatry2015.sk.