Ilon Mask negizin qalaǵan «Neuralink» kompanııasy sal adamdarǵa mıdyń ımplantyn ornatý arqyly denesin basqarýǵa múmkindik beretin tehnologııany zertteýdi bastady.
Kompanııa N1 ımplanty arqyly robot qoldy basqarý múmkindigin zertteýge ruqsat alǵanyn málimdedi. Joba Convoy degen ataýmen júzege asyrylyp jatyr. Qazirgi ımplant naýqastarǵa kompıýterdi, planshetti basqarýǵa, oıyn oınaýǵa múmkindik beredi. Endi kompanııa 10 jyldyń ishinde bul tehnololgııanyń múmkindigin arttyrýǵa den qoıyp otyr. Sonymen qatar «Neuralink Blindsight» jobasy aıasynda týǵanynan zaǵıp adamdarǵa kórý qabiletin qaıtarý tehnologııasy ázirlený ústinde.
Dybystan jyldam ushaq
«Boom Technology» kompanııasy dybys jyldamdyǵynan tez ushatyn jolaýshylar ushaǵyn qaıta engizýdi josparlap jatyr.
«Overture» ushaǵy saǵatyna 2 100 km jyldamdyqpen ushyp, reıs ýaqytyn qysqartýǵa múmkindik beredi. Kompanııa ushaqtyń shaǵyn prototıpi – XB-1-di synaqtan ótkizdi. Synaq barysynda onyń jyldamdyǵy 1 012 km/saǵatqa jetip, 7 632 metr bıiktikke kóterilgen. «Boom Technology» aldaǵy synaqtarda ushqyrlyqty dybys jyldamdyǵyna jetkizýdi josparlap otyr.
Qara qurdymnyń qupııasy
Halyqaralyq astrofızıkter toby álemde asa alyp qara qurdymdardyń qalaı úlken massaǵa jetkenin túsindiretin jańalyq ashty.
Ǵalymdar «XMM-Newton» men «Chandra» rentgen teleskoptaryn paıdalanyp, ǵarysh tarıhyndaǵy eń alǵashqy 21 kvazardy zerttedi. Nátıjesinde, qara qurdymnyń fızıka zańdaryn buzyp, sheksiz jyldamdyqpen ósetin mehanızmin anyqtady. Negizgi teorııaǵa sáıkes qara qurdymdar Eddıngton sheginen asqan kezde ósýdi toqtatady. Alaıda jańa zertteýler qara qurdymdardyń joǵary tartylys fazasyna kirip, sheksiz jyldamdyqta óse beretinin dáleldedi.