Bıyl jyl basynan beri elordada shaǵyn jáne orta bıznestegi kásipkerlerdiń 1 658 jobasy júzege asqan. Qalada «Astana bıznes-2» óńirlik baǵdarlamasy jumys isteıdi. Ol boıynsha elordada tirkelip, jobasyn osy qalada iske asyratyn kásipkerler 7 paıyzben nesıe alýǵa qol jetkizedi.
Naqty derekterge súıensek, osynaý jobalardyń júzege asýyna sebepshi bolyp otyrǵan «Damý» qory Astanadaǵy shaǵyn jáne orta bıznestegi kásipkerlerge jalpy somasy 69,6 mıllıard teńgemen qarjylaı qoldaý kórsetken. Onyń qatarynda, sýbsıdııalaý quraly boıynsha kásipkerlerdiń 57,1 mıllıard teńgege 998, kepildik berý ustanymymen 12,5 mıllıard teńgege 660 jobasy memleketten qoldaý aldy. Al 146 joba 11,3 mıllıard teńgege jeńildikpen nesıe alýǵa qol jetkizgen.
«Damý» qory shaǵyn jáne orta bızneske sýbsıdııa men kepildik berip, jeńildikpen qarjylandyrady. Sýbsıdııa kásipker nesıesiniń paıyzyn azaıtady. Nátıjesinde, kásipkerler únemdelgen qarajatpen isin ári qaraı damytýǵa jumsaı alady. Al bıznes ashýǵa nemese kásibin damytýǵa nesıe alarda bank talap etken kepilmúlik az bolǵan jaǵdaıda qor kepildigi kómektesedi.
«Shaǵyn jáne orta kásipkerlikti qoldaý boıynsha memlekettik saıasat aıasynda, ulttyq damý ınstıtýty retinde «Damý» qory óńirlerdegi kásipkerliktiń damýyna barynsha yqpal etedi. Ol óz kezeginde ekonomıkalyq damýǵa eleýli áser etedi. 2010 jyldan qazirge deıin óńirimizde memlekettik qoldaýǵa ıe bolǵan kásipkerler 17,5 myń jumys ornyn ashyp, memleketke 651 mıllıard teńge salyq tóledi», dedi «Damý» qorynyń Astana fılıaly dırektory Svetlana Nazarıýk.
Taıaýda «Damý» qorynyń uıymdastyrýymen ótken press-týrda BAQ ókilderi Astanadaǵy áleýeti zor tórt birdeı kásiporyn jumysymen tanysty.
«Anel» jeke kásipkerligi 2018 jyldan beri «Gastronomy LAB» brendimen paıdaly nan-toqash ónimderin óndirip keledi. Kásipker Anel Kamalqyzy ashqan «Gastronomy LAB» nan óndirisinde jıi kezdesetin jasandy ashytqysyz, konservantsyz jáne basqa hımııalyq qospalarsyz pisiredi. Naýbaıhanada nan óndirýdiń búkil úderisi tiri ashytqyny qoldana otyryp, uzaq tabıǵı ashytý ádisine negizdelgen. Bul nanǵa erekshe dám men tekstýrany alýǵa ǵana emes, sonymen qatar sapany joǵaltpaı uzaq saqtaý merzimin qamtamasyz etýge múmkindik beredi.
Qazir kompanııada 8 adam jumys isteıdi. Kásipker bıylǵy jyly óndiristi keńeıtip, naýbaıhana sehyna jańa jabdyq satyp alý úshin «Bank SentrKredıt» AQ-dan nesıe aldy. «Damý» qory nesıe paıyzyn sýbsıdııalap, kepildik berý arqyly qoldaý kórsetken.
«Soýlflaı» jeke kásipkerligi óz qyzmetin 2016 jyly bastaǵan eken. Kompanııa polıstıroldan jasalǵan sándi lıýstralar, shaıyr tutqalary, kofe ústelderi jáne antıkvarlyq aınalar óndirisimen aınalysady. Bıznesti erli-zaıyptylar júrgizedi. Olar barlyq ónimdi óz qoldarymen jasaıdy.
Kompanııa bastapqyda jalǵa alynǵan ǵımaratta jumys istegen. Alaıda bıznestiń keńeıýine baılanysty dızaınerlik buıymdardy óndirý úshin jeke ǵımarat satyp aldy. Ol úshin kásipkerler «Bank SentrKredıt» AQ arqyly nesıege tıimdi nesıege qol jetkizdi. «Damý» qory nesıe paıyzyn sýbsıdııalaý arqyly járdemdesti.
Álııa Ǵalıeva ashqan «Ocean child» jeke kásipkerlik te eki jyldan beri balalarǵa qoljetimdi jáne ınklıýzıv keńistik qurýmen aınalysady. Kompanııa densaýlyqty nyǵaıtýǵa, ımmýnıtetti saqtaýǵa, sondaı-aq balalardyń jaǵymdy ádet-ádebin qalyptastyrýǵa yqpal etetin júzý men massaj qyzmetterin usynady. Kompanııa jumysynyń mańyzdy baǵyty – deni saý balalarǵa ǵana emes, erekshe qajettiligi bar balalarǵa da qol jetimdi qyzmet usyný. Qazir kompanııada 11 adam jumys isteıdi. Qyzmet kórsetý sapasyn arttyrý men ósip kele jatqan suranysty qanaǵattandyrý maqsatynda jumys tobyn, oǵan qosa qajetti ınfraqurylymdy odan ári keńeıtýdi josparlap otyr.
Kompanııa «First Heartland Jusan Bank» AQ arqyly nesıe alyp, ózine qolaıly ǵımarat satyp alýǵa qol jetkizdi. О́z kezeginde «Damý» qory nesıe paıyzyn sýbsıdııalap, jumysyn odan ári óristetýine qoldaý bildirdi.