Joǵarǵy Sot Tóraǵasy Aslambek Merǵalıev joǵary sot organynyń kezekti jalpy otyrysyn ótkizdi. Onyń jumysyna Joǵarǵy Sottyń sot alqalarynyń tóraǵalary men sýdıalary, ǵalymdar, ǵylymı-konsýltatıvtik keńestiń músheleri, Bas prokýratýranyń, Ádilet, Eńbek jáne halyqty áleýmettik qorǵaý mınıstrlikteriniń jáne advokattar alqasynyń ókilderi qatysty, dep habarlaıdy Egemen.kz.
Eńbek daýlaryn sheshý týraly normatıvtik qaýlylardyń (NQ) jobalary, azamattyq jáne azamattyq-prosestik zańnamasy boıynsha NQ jobalaryna ózgerister, sonyń ishinde memlekettik tildegi NQ jobalaryna ózgerister talqylandy.
Sonymen qatar Joǵarǵy Sottyń sýdıasy Tynyshtyq Moldahmetova eńbek daýlaryn sheshýdiń sotqa deıingi tártibin, eńbek shartyn jasasý, ózgertý jáne buzý tártibin, eńbek jaǵdaılaryn ózgertýdi, kelisim komıssııasynyń róli men ókilettikterin keńeıtýdi túsindirdi.
Buǵan qosa jumys berýshiniń bastamasy boıynsha eńbek shartyn buzýǵa qyzmetkerdiń aýysymaralyq demalys kezinde mas kúıinde bolýyn anyqtaý negiz bola almaıtyny atap ótildi. Basqa da quqyq qoldaný máseleleri talqylandy.
Joǵarǵy Sottyń sýdıasy Ǵalymjan Myrzakeniń aıtýynsha, 11 NQ-ǵa, AK-ke jáne APK-ke sot qyzmetiniń jalpy máseleleri boıynsha ózgerister engizildi, zańǵa engizilgen ózgeristerge qatysty keıbir termınder bir júıege keltirildi, talap qoıýdyń mazmunyna qoıylatyn talaptar naqtylanýda, talap qoıýǵa engiziletin dáleldemeler egjeı-tegjeıli qarastyrylýda, JShS jarǵylyq kapıtalynyń mólsherin anyqtaý tártibin naqtylaýda, aksıonerlerdiń jalpy jınalysyn shaqyrý jáne ótkizý tártibi, t.b. túsindirilip jatyr.
Joǵarǵy Sottyń azamattyq ister jónindegi sot alqasynyń tóraǵasy Nurserik Sháripov óz sózinde azamattardyń quqyqtaryn tıimdi qorǵaý úshin quqyqtyq qujattardy memlekettik tilde sapaly ázirleýdiń, olardyń jeńil ári qolaıly bolýynyń mańyzdylyǵyna toqtaldy. Baıandamashy NQ-nyń naqtylaýlary sot praktıkasynyń birkelkiligin qamtamasyz etetinin atap ótti.
Joǵarǵy Sot Tóraǵasy Aslambek Merǵalıev pikir almasýdaǵy konstrýktıvızmdi jetkizip, NQ jobalarynyń ózektiligine toqtaldy.
Talqylaý nátıjesinde jalpy otyrysqa qatysýshylar normatıvtik qaýlylardy qabyldaý úshin daýys berdi, olar Joǵarǵy Sottyń ınternet-resýrsynda «Zańnama» bóliminde ornalastyrylǵan.
NQ QR normatıvtik quqyqtyq aktileriniń etalondyq baqylaý bankinde resmı túrde jarııalanady.