Turǵyndary birneshe kún boıy dalaǵa shyǵýdan qalǵan О́skemen qalasynda búgin de qolaısyz meteorologııalyq jaǵdaı saqtalyp tur, dep habarlaıdy Egemen.kz.
О́skemende 20 qarashadan beri qolaısyz meteorologııalyq jaǵdaı qalyptasqan. ShQO ekologııa departamenti QMJ qarasha aıynyń sońyna deıin sozylatyndyǵyn málim etken. Alaıda 1 jeltoqsan, ıaǵnı búgin de áli qolaısyz meteorologııalyq jaǵdaı saqtalyp tur. «Qazgıdromet» RMK málimetinshe, qala boıynsha ekinshi dárejeli QMJ qalyptasqan.
Aıta keteıik, О́skemende aýa sapasyn baqylaý úshin arnaıy komıssııa qurylǵan bolatyn. Onyń quramyna ekologııa departamentiniń mamandary, qoǵam belsendileri, meteorologtar, sarapshylar men oblystyq máslıhat depýtattary kirdi. Komıssııa músheleri taıaýda Zashıta shaǵyn aýdany men Mırnyı kentinde bolyp, aýa sapasyn teksergeni habarlanǵan.
Al Shyǵys Qazaqstan oblysynyń ákimi Ermek Kósherbaev máseleniń sebep-saldary men ony sheshý úshin sharalar atqarylyp jatqanyn aıtqan.