«Qazaqstan temir joly» ulttyq kompanııasy jeltoqsan aıyndaǵy merekeler kezinde jolaýshylar jıi qatynaıtyn baǵyttarda qosymsha poıyzdar júretinin habarlady, dep jazady Egemen.kz.
Táýelsizdik kúni men Jańa jyl merekesinde Astana, Almaty, Shymkent, Aqtóbe baǵytyna qosymsha poıyzdar qosylady. Barlyq poıyzda kýpe jáne plaskart vagondary jabdyqtalǵan.
№201/202 «Astana-Almaty» poıyzy: Astanadan: 2024 jyldyń 13, 16, 19, 22, 25, 28 jeltoqsany, 2025 jyldyń 1, 4 qańtary. Almatydan: 2024 jyldyń 14, 17, 20, 23, 26, 29 jeltoqsany, 2025 jyldyń 2, 5 qańtary. №203/204 «Astana-Shymkent» poıyzy: Astanadan: 2024 jyldyń 13, 17, 20, 23, 26, 29 jeltoqsany, 2025 jyldyń 1, 4 qańtary. Shymkentten: 2024 jyldyń 14, 18, 21, 24, 27, 30 jeltoqsany, 2025 jyldyń 2, 5 qańtary. №205/206 «Aqtóbe-Astana» poıyzy: Aqtóbeden: 2024 jyldyń 13, 16, 19, 22, 25, 28 jeltoqsany, 2025 jyldyń 1, 4 qańtary. Astanadan: 2024 jyldyń 14, 18, 21, 24, 27, 30 jeltoqsany, 2025 jyldyń 3, 6 qańtary.
Sondaı-aq 13 jeltoqsannan bastap Qaraǵandy, Astana, Pavlodar, Býrabaı baǵytynda qosymsha elektr poıyzdar juma, senbi, jeksenbi kúnderi qatynaıdy.
Qosymsha elektr poıyzdar «Qaraǵandy-Astana-Býrabaı kýrorty», «Pavlodar-Astana-Býrabaı kýrorty» baǵytynda qatynaıdy.