Shyn júrekten shyqqan sóz

Qazaqstan Prezıdenti atyna shetel memleketteri men úkimetteri basshylarynan, halyqaralyq jáne otandyq kompanııalardyń basshylarynan, ónerkásip, qarjy, bilim, mádenıet salasynyń ókilderinen, sondaı-aq qarapaıym azamattardan quttyqtaý hattar legi jalǵasýda. Máselen, Dúnıejúzilik týrıstik  uıymnyń Bas hatshysy Taleb Rıfaı Nursultan Nazarbaevtyń qyzmeti jańa prezıdenttik merzim kezinde uıym men Qazaqstannyń arasyndaǵy tyǵyz ári dostyq qatynastardy ári qaraı damytýǵa serpin beretinine senim bildirgen. «Sizdiń týrızm salasyna kór­setken qoldaýyńyz Qazaqstan Úki­meti eldi jahandyq týrıstik are­nada myqty brend retinde tany­týǵa aıryqsha mańyz beretinin ań­ǵartady», – delingen jedelhatta. TMD Atqarý komıtetiniń tóra­ǵasy – atqarýshy hatshy S.Lebedev Nursultan Na­zarbaevtyń Memleket basshysy laýa­zymyndaǵy qyzmeti Qazaqstanǵa saıa­sı jáne áleýmettik-ekonomıkalyq damý jolynda jańa belesterdi baǵyndyrýǵa múmkindik beretinine senim bildirgen. «TMD-nyń baqylaýshylar mıs­sııasynyń basshysy retinde men el azamat­tarynyń basym kópshiliginiń Sizge degen senimi joǵary ekenine anyq kóz jetkizdim. Alysty kózdegen strate­gııanyń júıeli júzege asyrylýy arqasynda Qazaqstan taıaý jáne alys shetelde moıyndalǵan bedelge ıe, onyń halyqaralyq arenadaǵy belsendiligi men róli úzdiksiz ósip keledi», – delingen jedelhatta. TMD Parlamentaralyq assam­bleıa­sy­nyń ujymy memleketaralyq dos­tyq baılanystar men uıym­ǵa múshe elderdiń ózara senimin nyǵaıtýdaǵy Qazaqstan Prezı­dentiniń budan arǵy qyzme­tiniń de jańa tabystarmen aıshyqtala­tynyna senim bildirgen. Táýelsiz memleketter dostastyǵynyń Terrorızmge qarsy ortalyǵynyń jetekshisi A.Novıkov Qazaqstan qoǵamynyń batyl da qarqyndy ilgerileýi, elde keń aýqym­dy reformalar men ózgeristerdiń tabys­ty júrgizilýi, halyqtyń turmys deńgeıi men ál-aýqatynyń artýy Qazaqstan Prezı­dentiniń esimimen baılanystyrylatynyna nazar aýdarǵan. «Búginde Qazaqstan – qýatty, órkendeý ústindegi, táýelsiz memleket, bul – laıyqty túr­de naǵyz Ult Kóshbasshysy mártebesin ózińizge alyp bergen Memleket basshysy qyz­­metindegi Sizdiń kópjyldyq jemisti ju­my­syńyzdyń nátıjesi», – dep jazylǵan jedelhatta. Túrkitildes elder ynty­maq­tastyq keńe­siniń bas hatshysy R.Hasanov Qazaq­standaǵy Prezıdent saılaýyna Túrki keńe­sinen qatysqan baıqaýshylar delegasııasy onyń ashyq jáne demokratııalyq normalarǵa saı bolǵanyn moıyndaǵanyn aıtty. «Sizdiń jeńisińiz tek Qazaqstanda ǵana emes, búkil túrki álemin qýanyshqa bólep otyr», – delingen jedelhatta. Grýzııa Premer-Mınıstri Iraklıı Garıbashvılı Grýzııa Úkimeti men jeke ózi­niń atynan Nursultan Nazarbaevty pre­zı­denttik saılaýdaǵy jeńisimen quttyqtady. «Qazaqstan halqynyń jeke Sizge kór­setken jappaı qoldaýy – bul turaqtylyq pen ári qaraı jańǵyrýdyń paıdasyna ja­salǵan tańdaý. Qazaqstan Sizdiń dana bas­shylyǵyńyz arqyly jahandyq jáne óńirlik  ekonomıkalyq silkinisterdiń osy bir kúrdeli kezeńinde damýdyń jańa bıik­terine shyǵatynyna senimdimin», – delingen jedelhatta. Germanııanyń burynǵy vıse-kansleri jáne syrtqy ister mınıstri G.Vestervelle Qa­zaqstannyń tabysqa jetetinine já­ne Nur­sultan Nazarbaev qoıǵan uly maq­sat­tar­dy júzege asyratynyna senetinin aıt­qan. «О́zińizge júktelgen teńdessiz mindetti oryndaý úshin Sizge kúsh-qýat tileımin. Syn-qaterlermen kúreste baǵa jetpes dana­lyǵyńyz ben bedelińiz, el basqarý isindegi mol tájirıbeńiz Sizge qoldaý bo­la­tynyna kúmánim joq»,  – delingen qut­tyqtaýda. Germanııanyń burynǵy federaldy syrt­qy ister mınıstri H.-D.Gensher Nur­sul­tan Nazarbaevty qaıta saılanýy­men qut­­tyqtap, Memleket basshysy laýazymyn­da batyldyq jáne jańa tabys­tar, al Qa­zaq­stan halqyna baqytty da tatý bolashaq tilegen. Reseı Federasııasy Federaldyq Jı­na­lysynyń Federasııa Keńesiniń tóraıymy V.Matvıenko Nursultan Nazarbaevqa kór­setilgen jalpy ulttyq senim memle­kettiń ishki jáne syrtqy saıasaty keń aý­qymdy qoldaýǵa ıe ekenin kórsetip, el Pre­zı­dentiniń bedeli joǵary ekenin taǵy da dáleldegenin aıtady. «Federasııa Keńesindegiler Qazaqstan men Reseıdiń odaqtastyq seriktestigi men yqpaldastyq is-qımylyn nyǵaıtýǵa Sizdiń qosqan zor úlesińizdi baǵalaıdy. Qazaqstan-Reseı kópqyrly yntymaqtastyǵy, sonyń ishinde parlamenttik deńgeıdegi baılanys­tar aldaǵy ýaqytta da dostas elderimizdiń ıgiligi úshin damı beretinine senimdimin», – dep jazady V.Matvıenko. RF Federaldy jınalysy Memlekettik Dýmasynyń tóraǵasy S.Naryshkın Qa­zaqstan halqy negizinde memlekettilikti ny­ǵaıtý men ómirdiń barlyq salasyndaǵy tú­birli ózgerister jatqan el damýy baǵy­tynyń durystyǵyn taǵy da qoldaǵanyn aıtady. Ol sondaı-aq MMÝ qabyrǵasynda Nursultan Nazarbaev aıtqan Eýrazııalyq ekonomıkalyq odaq qurý týraly ıdeıanyń  eki el úshin mańyzdylyǵyn atap aıtqan. Tatarstan Respýblıkasynyń Tuńǵysh Prezıdenti M.Shaımıev Nursultan Nazar­baevty Qazaqstan Prezıdenti laýazymyna saılanýymen quttyqtap, baýyrlas eki el arasyndaǵy baıyrǵy tarıhı dostyqty nyǵaıtý isindegi qoldaýy úshin alǵys aıtty. «Sizge Qazaqstan halqy aınymaı kórsetip kele jatqan senim – el ıgiligi jolyndaǵy saıası tabystylyqtyń, eko­nomıkalyq jáne qoǵamdyq qaırat­kerliktiń, óz halqyńyz ben týǵan jerińizge árqashan adal qyzmet etip kele jatqanyńyzdyń dáleli», – delingen quttyqtaýda. Ingýshetııa Respýblıkasynyń basshysy Iý.Evkýrov Qazaqstan men Ingýshetııa halyqtarynyń arasynda qalyptasqan baý­yr­lastyq qarym-qatynastar budan ári de nyǵaıyp, damı beretinine senim bildirgen. «Sizdiń saılaýdaǵy kezekti jeńisińiz Qazaqstan halqynyń ózińizge degen nyq seni­min kórsetedi, joǵary bedelińizdiń, kási­bı­ligińizdiń jáne ókilettiligińizdiń moıyn­dal­ǵanyn, bıik paryz ben jaýapker­shilikti aıǵaqtady. Búginde respýblıka tur­ǵyndary beıbitshilikke, turaqtylyq pen ba­qýattylyqqa degen úmitterin Sizdiń esimińizben baılanystyrady jáne áleýmet­tik-ekonomıkalyq jańǵyrýlardyń jalǵa­satynyna senedi», – delingen quttyqtaýda. Daǵystan Respýblıkasynyń basshysy R.Abdýlatıpov búkil daǵystan halqynyń atynan Memleket basshysyn laýazymyna kirisýimen quttyqtady. «Sizdiń esimińizben Qazaqstan Respýblıkasynyń táýelsiz damý kezeńindegi memleket qurýdaǵy ǵajap tabystary, aıtarlyqtaı ekonomıkalyq ilgerileýi men damýy, el azamattarynyń ál-aýqatynyń artýy ajyraǵysyz baılanys­ty», – dep atap ótken ol óz quttyqtaýynda. Reseı Federasııasy Tıýmen oblysynyń gýbernatory V.Iаkýshev Qazaqstan Pre­zı­dentin ótken saılaýdaǵy aıqyn jeńisimen quttyqtap, onyń nátıjesi el halqynyń joǵary seniminiń, memleketti damytýdaǵy eńbegin moıyndaýdyń kórsetkishi ekenin atap ótken. «Basshy retindegi danalyq pen daryn Sizge alda da óz elińizdi órkendetýge kó­mektesedi, sondaı-aq Reseı-Qazaqstan ynty­maqtastyǵynyń budan ári nyǵaıýyna septi­gin tıgizetin bolady», – deıdi V.Iаký­shev. Astrahan oblysynyń gýbernatory  A.Jılkın saılaýshylardyń basym kópshiligi arqyly Nursultan Nazarbaevqa kórsetilgen joǵary senim Qazaqstan halqy eldiń ári qaraı damýyna qatysty úmitin tek Memleket basshysynyń esimimen baılanystyratyndyǵynyń aıǵaǵy ekenin atap ótken. «Biz Sizdiń Qazaqstan men Reseı qarym-qatynastaryn nyǵaıtýǵa qosqan úlesińizdi joǵary baǵalaımyz. Sizge Kaspıı óńirindegi yntymaqtastyqty damytýǵa baılanysty máselelerge udaıy kóńil bóletinińiz úshin aıryqsha rızashylyǵymdy bildirgim keledi, bul óńirde Astrahan oblysy úshin Qazaqstanmen shekaralyq yqpaldastyqtyń kóptegen baǵyttary bar», – dep jazady avtor. Memleket basshysynyń atyna qut­tyq­taýyn joldaǵan Penza oblysynyń gýbernatory V.Bochkarev te Qazaqstan halqynyń ıgiligi jolyndaǵy qyzmetine tabys tilegen. Sverdlov oblysynyń gýbernatory E.Kýıvashev Qazaqstan Respýblıkasynyń ıgi­ligine jumsalǵan kúsh-qýat pen maq­sat­kerlik el halqynyń ósip-órkendeýi men baqýat turmysyna orasan zor úles qos­qanyn atap ótken. «Saılaýdaǵy aıqyn jeńisińiz Siz­diń jetekshi ári kóshbasshy retindegi bıik bedelińizdi, sondaı-aq Sizdiń basshy­ly­ǵyńyz­ben el kóptegen jyldar boıy júrip kele jatqan baǵyttyń durystyǵyn taǵy da qýattady. Biz qalyptasqan jaqsy jáne syn­darly qarym-qatynasty joǵary baǵalaı­myz, onyń bolashaqta nyǵaıyp, damýyna úmit artamyz», – delingen jedelhatta. Kemerov oblysy gýbernatorynyń mindetin atqarýshy A.Tóleev Qazaqstan halqynyń Nursultan Nazarbaevty qoldaýy Qazaqstannyń qarqyndy ári údemeli damý jolymen ilgerileýine, demokratııalyq quqyqtyq memlekettilikti jáne ultaralyq kelisimdi jetildirýine septesetinin atap ótken. «Bizdiń elderimizdiń halqy eń izgi úmitteri men muń-muqtajyn baılanystyryp otyrǵan eýrazııalyq ıntegrasııa­ny ny­ǵaıtý jónindegi Sizdiń myzǵymas usta­nymy­ńyz aıryqsha alǵysqa laıyq», – dep jazady A.Tóleev. Mońǵolııanyń Baıan О́lgeı aımaǵynyń gýbernatory H.Dármen Nursultan Na­zar­baevtyń Qazaqstannyń qarqyndy damýyn qamtamasyz etýdegi qajyrly eńbegin jo­ǵary baǵalaıtynyn aıtqan. «Táýelsiz Qazaqstan Nursultan Nazar­baevpen birge jańa bıikterdi eńserip, álem­niń damyǵan 30 memleketi qataryna qosy­la­tynyna senimdimin», – delingen jedelhatta. «Rosnano» AAQ basqarmasynyń tór­aǵasy A.Chýbaıs saılaý nátıjesi respýblıka halqy tarapynan Memleket basshysyna de­gen joǵary senimniń daýsyz dáleli ekenin aıtady. «Rýsal» kompanııasynyń prezıdenti O.Derıpaska Nursultan Nazarbaevtyń saıa­sı basshylyǵynyń jańa kezeńi ınstı­tý­sıonaldyq reformalar júrgizý, Qazaqstan ekonomıkasyn ártaraptandyrý, áleýmettik mindetterdi oryndap, álemniń damyǵan 30 memleketiniń qataryna tezirek ený jó­nindegi órshil josparlardy oryndaý isine burynǵydan da tereńirek den qoıýǵa múmkindik beretinin aıtady. «Qazaqstandy táýelsiz, egemen memleketke aınaldyrý jónindegi kópjyldyq ǵa­lamat jumysty atqara otyryp, Siz Ult Kóshbasshysy ataný quqyǵyna ábden laıyq bola aldyńyz», – delingen hatta. Qytaı ulttyq munaı-gaz korporasııa­sy dırektorlar keńesiniń tóraǵasy Chjoý Szıpın Qazaqstan Prezıdentiniń eki el arasyndaǵy energetıkalyq ynty­maq­tas­tyqqa kóńil bólip, jan-jaqty yqpal etken­diginiń arqasynda eleýli nátıjelerge qol jetkizilgenin aıtady. «Qazaqstandyq seriktesterimizben bir­lese otyryp, biz alda da elderimizdiń eko­no­mıkalyq damýyna laıyqty úles qosý jáne eki halyqtyń ál-aýqatyn arttyrý isine barlyq kúsh-jigerimizdi jumsaýǵa ázirmiz», – dep jazady avtor. «Shevron» korporasııasynyń bas at­qa­rýshy dırektory D.Ýotson Qazaqstan halqy Nursultan Nazarbaevtyń bolashaqqa degen strategııalyq kózqarasy men eldiń úzdiksiz ósip-órkendeýin qamtamasyz etý jónindegi alysty kózdegen josparlaryn tolyq qol­daıtyndaryn aıqyn uǵyndyrǵanyn aıtady. «Bizdiń kompanııa Qazaqstan Respýb­lı­kasymen ornatqan seriktestigimizdi joǵary baǵalaıdy. Biz úshin eldiń energetıka salasyn damytýǵa jáne  Qazaqstannyń – álemdi moıyndatqan memlekettiń ekonomıkalyq ilgerileýine yqpal etý zor mártebe ári ar­tyq­shylyq bolyp sanalady», – delingen qut­tyqtaýda. Nemistiń  «Rheinmetall» kompanııasynyń basqarma tóraǵasy Armın Pepperger ujym­nyń jáne jeke óziniń atynan Qazaqstan Pre­­zıdentin saılaýdaǵy jeńisimen quttyq­taıdy. «Sizdiń uzaqmerzimdi bolashaqa mejelengen eldi jańǵyrtý jónindegi stra­te­gııalyq josparlaryńyzdy qoldaı otyryp, biz Qazaqstannyń ónerkásiptik jáne memlekettik uıymdarymen qarym-qatynas­tarymyzdy odan ári damyta beretinimizge qýanyshtymyz», – delingen jedelhatta. «Spring Singapore» kompanııasynyń tóraǵasy Fılıpp Ieo saılaýdyń keremet nátıjesi Qazaqstan halqynyń óz Pre­zı­dentiniń kóshbasshylyǵyna degen zor seni­min kórsetetinine nazar aýdarǵan. Shveısarııalyq «Mountain Partners» kom­panııasynyń bas dırektory K.Bersh óz qut­tyqtaýynda eldi órkendeýge bastap kele jat­qan taǵdyrsheshti sheshimderi úshin Qa­zaq­stan Prezıdentine rızashylyq bildiredi. «Bank VTB» AAQ basqarmasynyń pre­zı­dent-tóraǵasy A.Kostın ujymnyń jáne jeke óziniń atynan Nursultan Nazarbaevty Memleket basshysy laýazymyna saılanýymen quttyqtaǵan. «Sizdiń joǵary memlekettik laýa­zym­daǵy serpindi ári jemisti qyzmetińiz, saıası danalyǵyńyz ben tájirıbeńiz eldi áleý­mettik-ekonomıkalyq damytý baǵytynda keń aýqymdy qoldaýdy qamtamasyz etedi. Sizge myqty densaýlyq, kúsh-qýat, optımızm tileımin, el ıgiligi jolyndaǵy jasam­paz jumysyńyz  jemisti bolsyn», – delingen quttyqtaýda. «Rotshıld Evropa» bankiniń vıse-tóraǵasy K.Mangold Nursultan Nazar­baevtyń tek Qazaqstan úshin ǵana emes, búkil álem úshin turaqtylyq pen sabaqtastyqtyń kepili bolyp sanalatynyn atap ótken. «Sizdiń tulǵalyq bolmysyńyz baqýat­tylyqtyń, Qazaqstan halqynyń paıdasy úshin úzdiksiz ósip-órkendeýdiń nysha­nyn ańdatady. Saılaýdyń adam tańǵa­larlyq nátıjesi halqyńyzdyń Sizge jáne búkil Qazaqstannyń ornyqty da tabys­ty bolashaǵyn qamtamasyz etetinińizge qanshalyqty rııasyz senetinin kórsetedi», – delingen hatta. «Doıche Bank» basqarýshy dırektory, Ortalyq jáne Shyǵys Eýropa jónindegi bas atqarýshy dırektory P.Tıls saılaý nátıjeleri Memleket basshysy  júr­gi­zip otyrǵan saıasatty halyq keńinen qol­daıtynyn kórsetkenine toqtalǵan. Máskeý jáne búkil Rýs Patrıarhy Kı­rıll Nursultan Nazarbaevtyń kúsh-jigeri burynǵysynsha eldi áleýmettik-ekono­mıkalyq damýǵa, halqynyń rýhanı saýlyǵyn qamtamasyz etýge baǵytta­la­tynyna senim bildirgen. «Qazaqstannyń saıasatynda etnosaralyq jáne konfessııaaralyq durys qarym-qatynas qalyptastyrýǵa aıryqsha oryn berilgeni qýantady, – dep jazady avtor. Bas múftı, Reseı musylmandary orta­lyq dinı basqarmasynyń tóraǵasy T.Tad­jýddın Qazaqstan áleýmettik-ekono­mı­kalyq jańǵyrý deńgeıi jaǵynan kóshbas­shylar qataryna qosylǵanyn atap ótken. «Sizdiń dástúrli baýyrlastyq pen ynty­maqtastyqty, etnosaralyq jáne kon­fessııaaralyq baılanystardy nyǵaıtýǵa, elderimizdiń rýhanı-adamgershilik qundy­lyqtaryn saqtaý isine qosqan úlesińizge baǵa jetpeıdi», – delingen jedelhatta. Reseı múftıler keńesiniń tóra­ǵasy, Reseı musylmandary dinı basqar­masy­nyń tóraǵasy  R.Gaınýtdın de qazaq­standyqtardyń Nursultan Nazarbaevqa senimi onyń Qazaqstannyń damý baǵytyn anyqtap, qoǵam men memlekettiń qol jetkizgen eleýli tabystaryna berilgen joǵary ári ádil baǵa ekenine senim bildirgen. Jyly lebizdi quttyqtaý Reseı kór­­kem­óner akademııasynyń prezı­denti Z.Seretelıden kelip tústi. «Daýsyz bedelińiz, bıik kásibı deń­geıińiz, sarqylmas kúsh-qýatyńyz, son­daı-aq orasan mol saıası jáne ómirlik tájirıbeńiz Sizge aýqymdy memlekettik min­detterdi tabysty iske asyrýǵa múm­kindik beredi. Tamasha dıplomat, tájirıbeli basshy jáne mádenıeti joǵary adam retinde Siz HHI ǵasyrdyń kúrdeli problemalaryn sheshý isine zor úles qosyp kelesiz», – delingen jedelhatta. S.A.Gerasımov atyndaǵy Búkilreseı­lik memlekettik kınematografııa ýnıver­sıtetiniń rektory V.Malyshev Nur­sultan Nazarbaevtyń basshylyǵymen Qazaqstannyń qol jetkizgen tabystary búkil álemde zor qurmet pen  rızashylyq sezimin týdyryp otyrǵanyna toqtalǵan. «Kınematografııa men bilim berý salasynda elderimiz arasyndaǵy ynty­maqtastyqtyń damýyna kóńil bólip otyrǵanyńyz úshin men reseılik kınematografıst retinde Sizge zor rızashylyǵymdy bildirmeı tura almaımyn. Sizge shyn júrekten myqty densaýlyq, memlekettik qyzmetińizge  jańa tabystar, al Qazaqstan halqyna kúsh-qýat pen baq-bereke tileımin», – dep jazady avtor. Máskeý memlekettik ýnıversıtetiniń rektory V.Sadovnıchıı jeke óziniń jáne ujymnyń atynan Nursultan Nazarbaevty saılaýdaǵy jeńisimen quttyqtaǵan. «Sizdiń saparlaryńyz pen sózderińiz ýnıversıtet tarıhyna altyn áriptermen jazylǵan. Biz sizdiń MMÝ-ge degen kózqarasyńyzdy joǵary baǵalaımyz jáne onyń tórinen Qurmetti doktor ári professor – Sizdi kórýge árqashan yqylastymyz», – dep jazady avtor. Nursultan Nazarbaevqa Ispanııa Koroldiginiń eks-Premer-Mınıstri H.Asnar, BUU Esirtki jáne qylmys jónin­degi basqarmasynyń atqarýshy dırektory Iý.Fedotov, Qyrǵyz Respýblıkasynyń Qa­zaqstandaǵy elshisi E.О́mirálıev, Eýro­palyq qaıta qurý jáne damý bankiniń eks-prezıdenti T.Mırov, Mońǵolııa beı­bitshilik jáne dostyq uıymynyń músheleri, Germanııa býndestagynyń depýtaty F.Mıssfelder quttyqtaýlaryn joldady. Jyly lebizdi hattar men quttyqtaý jedelhattary Reseı Federasııasynan: Reseı ǵylym akademııasynyń prezı­denti V.Fortovtan, Qara teńiz ekono­mı­kalyq yntymaqtastyǵy jónindegi Reseı Ulttyq komıtetiniń tóraǵasy V.Arhı­povtan, Halyqaralyq balalar qor­lary qaýymdastyǵynyń prezıden­ti, Reseı balalar qorynyń tóraǵasy A.Lı­ha­novtan, Halyqaralyq aqparat­tandyrý akademııasynyń prezıdenti V.Nabatnı­kovtan, Halyqaralyq ınjenerlik akade­mııanyń prezıdenti B.Gýsevten keldi. Reseı Federaldyq Jınalysy Mem­le­kettik Dýmasynyń depýtaty, TMD isteri, eýrazııalyq ıntegrasııa jáne otandas­tarmen baılanys komıteti tóraǵasy­nyń birinshi orynbasary O.Lebedev, Ha­lyqaralyq ónerkásipshiler men kásip­kerler kongresiniń prezıdenti V.Glýhıh, Bashqurtstan Respýblıkasy Memlekettik Jınalys-quryltaıynyń depýtaty M.Vasılev, Máskeý qalasyndaǵy «Qazaq kú­resi» federasııasynyń prezıdenti V.Rezanov, Reseı tehnıkalyq joǵary oqý oryndarynyń tarıh páni oqytýshylary, Memleket basshysynyń Máskeýdegi kýrstas­tary men oqytýshylar, Troısk qalasynan  Rezanovtar otbasy, Krasnodar ólkesi Iva­nov selosynyń turǵyny R.Pan­chenko Nur­sultan Nazarbaevqa quttyqtaý joldaǵan.   * * * D.A.Qonaev atyndaǵy halyqaralyq qor­dyń ujymy naq Nursultan Nazarbaevtyń qaıratkerlik qyzmetiniń arqasynda Qazaqstan búkil álem daýysy jetken kóp­ultty zamanaýı memleket bolyp otyrǵanyn atap ótken. «Biz Siz úshin, eldiń damýy men  ıgiligi jolyndaǵy Sizdiń ǵalamat eńbegińiz úshin orasan qýanysh pen maqtanysh sezimine bólenip otyrmyz. Memleketimiz Sizdiń basshylyǵyńyzben damyp kele jatqan kezde qazaqstandyqtar óz bolashaǵyna se­nimmen qaraıtyn bolady», – delingen hatta. Qazaqstan Respýblıkasy Ulttyq ıadrolyq ortalyǵy qyzmetkerleri saılaý nátıjesi taǵy da halyqtyń óz Pre­zıdentine degen joǵary senimi men qoldaýynyń aıǵaǵyna aınalǵanyn aıtady. «Bizdiń bárimiz memleket baǵytynyń nátıjesin kórip otyrmyz. Bul – birlik, turaqtylyq, kelisim, ósip-órken­­deý jáne bolashaqqa umtylys. Sizdiń bas­shy­lyǵyńyzben Qazaqstan Respýb­lı­kasy salystyrmaly túrde qysqa ýaqyt ara­lyǵynda syrtqy saıasat salasynda eleýli jetistikterge jetip, halyqaralyq qo­ǵam­dastyqtyń bedeldi ári jaýapty múshesine aınaldy», – delingen quttyqtaýda. Qazaqstan qurylysshylary qaýym­dastyǵynyń músheleri saılaýshylardyń tańdaýy halyqtyń óz Prezıdentine degen sheksiz súıispenshiligi men ǵalamat senimin kórsetip otyrǵanyna toqtalady. «Sizdiń arqańyzda Qazaqstan tanymastaı ózgerdi. Siz eldi danalyqpen, baıypty ári senimdi túrde turaqtylyq jolymen bastap kelesiz. Jalǵyz durys jol – osy. Kórshi elderde saıası daǵdarys dendep turǵan kezde turaqtylyq asa mańyzdy. Sonyń arqasynda bizdiń elimiz babalarymyzǵa arman bolǵan bıikterge qol jetkizdi», – delingen quttyqtaýda. «Qazmyrysh» kompanııasynyń myń­daǵan adamdyq ujymy Nursultan Nazar­baevty prezıdenttik saılaýdaǵy aıqyn jeńisimen quttyqtaýdyń múmkindigi tý­ǵanyna asa qýanyshty ekenderin aıtady. «Táýelsiz Qazaqstannyń qalyptasýy men damýynyń kúrdeli kezeńinde ýaqyt synynan ótken Sizdiń halyqpen etene birligińiz tamasha nátıjelerge jetkizdi. Siz qazaqstandyqtardyń bilim alýy, densaýlyǵy, rýhanı-adamgershiligi máse­­lelerin únemi nazarda ustadyńyz. Qazaq­stan halqy Máńgilik El ıdeıasynyń rýhanı qýatyna súıene otyryp, ári qaraı ilgerileýge jáne tatýlyq pen qoǵamdaǵy kelisimdi saqtaýǵa degen umtylysyn taǵy da kórsetti», – dep jazady avtor. «B.Nurjanov atyndaǵy Ekibastuz GRES-1»  JShS jumysshylary Memleket basshysyn kezekten tys saılaýdaǵy jarqyn jeńisimen quttyqtady. «Biz Siz­diń jeńisińiz Qazaqstan damýynyń jańa ke­zeńin sıpattaıtynyna senimdimiz», – dep jazady avtorlar. Almaty qalasyndaǵy lokomotıv paıdalaný deposynyń kópultty eńbek ujymy ózderiniń quttyqtaý hatynda búkil táýelsizdik jyldary boıy Nursultan Nazarbaevtyń basshylyǵymen júrip ótken joldyń qýatty jáne órkendep kele jatqan memleketti qurýdyń joly ekenine nazar aýdarǵan. Almaty qalasynan «Rahat»  AQ eńbek ujymy Nursultan Nazarbaevtyń aıqyn jeńisi halyqtyń óz kóshbasshysyna qalt­qysyz senetininiń aıǵaǵy ekenin aıtqan. «Daýys berý qorytyndylary siz júrgizip otyrǵan saıasatty jalpy halyqtyń qoldaıtynyn taǵy da kórsetti. Biz elimiz Sizdiń basshylyǵyńyzben kez kelgen qıyndyqty eńserip, budan da zor tabysqa jetetinine senimdimiz», – delingen hatta. «Modern Media Group» JShS ókilderi qazaqstandyqtardyń tańdaýy ulttyń, el men álemdegi adamzattyń ıgiligine baǵyttalǵanyn atap ótken. «Mundaı tutastyq demokratııanyń, adaldyqtyń, ashyqtyqtyń ári jańa jeńisterge qatysty úlken jaýapkershiliktiń jarqyn úlgisi bolyp sanalady. Halyq óz Prezıdentin jaqsy kóredi, oǵan baqyt, densaýlyq, uzaq ǵumyr, amandyq tileıdi. Qazaqstannyń jeńisti baǵdary Sizben birge ǵana múmkin bolady», – delingen hatta. H.A.Iаsaýı atyndaǵy Halyqaralyq qazaq-túrik ýnıversıtetiniń ujymy Nur­sultan Nazarbaevtyń táýelsiz Qazaqstandy damytýǵa baǵa jetpes úles qosqanyn, sol úshin de  el azamattary prezıdenttik saılaýda oǵan daýys bergenin aıtady. Q.Sátbaev atyndaǵy Qazaq ulttyq tehnıkalyq ýnıversıtetiniń oqytýshy-professorlar quramy memlekettiń bilim berý salasyn damytýǵa aıryqsha kóńil bólip otyrǵanyn, sonyń arqasynda oqý oryndary aıtarlyqtaı tabystarǵa jetip jatqanyn aıtqan. «Bolashaqta ınstıtýsıonaldyq reformalardy júzege asyrý aıasynda eldiń ǵylymy men bilimi budan da joǵary deńgeıge kóteriletinine senimdimiz», – delingen quttyqtaýda. Qazaq memlekettik qyzdar peda­go­gı­kalyq ýnıversıtetiniń ujymy men stý­dentteri Qazaqstannyń álemge dostyq pen ózara túsinistiktiń, tutastyq pen birliktiń otany ekenin taǵy da tanytqanyna toqtalǵan. «Biz Sizdi prezıdenttik saılaý­da biraýyzdan qoldadyq, óıtkeni, Qazaq­stan­nyń jańa bıikterge shyǵýyn tek Sizdiń esimińizben baılanystyramyz», – dep jazady avtorlar. Abaı atyndaǵy Qazaq ulttyq peda­gogı­kalyq ýnıversıtetiniń ujymy Qazaq­stannyń táýelsizdik jyldary áleýmettik-ekonomıkalyq, mádenı-gýmanıtarlyq salalarda jetken tabystarynyń bári Mem­leket basshysy qyzmetiniń jemisi ekenine toqtalǵan. Atyraý munaı jáne gaz ınstıtýtynyń oqytýshy-professorlar quramy men stýdentteri ótken prezıdenttik saılaý aǵa býyn men jas býynǵa birdeı mańyzdy eke­nin, onyń barysynda Nursultan Nazar­baev­ty halyq bir aýyzdan qoldaǵanyn aıtady. A.Seleznev atyndaǵy Almaty horeo­grafııalyq ýchılıshesiniń ujymy Elba­synyń basshylyǵymen memleketimiz halyq­aralyq arenada, ekonomıkalyq damý­da, respýblıkadaǵy turaqtylyq pen bir­likti qamtamasyz etýde tabysqa jetkenin atap aıtqan. «Evrazııa» halyqaralyq ekonomıkalyq akademııasynyń ókilderi Nursultan Nazarbaevtyń basshylyǵymen júzege asy­rylyp jatqan ındýstrııalyq-ınnova­sııalyq jol el ekonomıkasyn damytýdyń jańa belesine alyp shyǵaryna senim bildirgen. «Búginde biz bolashaqqa batyl josparlar quryp jatyrmyz. Sizdiń búkilhalyqtyq mandatyńyz Eýrazııalyq ekonomıkalyq odaqtyń múmkindikterin nyǵaıtyp, onyń áleýeti men ıntegrasııalyq rólin álemdik keńistikte tolyqtaı paıdalanýǵa múmkindik beredi», – dep jazady avtorlar. Oral jáne Aqtóbe arhıepıskopy Antonıı dinı basqarmanyń jáne Oral eparhııasynyń ókilderi atynan Nursultan Nazarbaevty Prezıdenttik laýazymǵa qaıta saılanýymen quttyqtap, myqty densaýlyq tilep, Qazaqstandy tabysty basqarýyna nıettestik bildirdi. Ardagerlerdiń respýblıkalyq uıy­mynyń tóraǵasy О́.Ozǵanbaev  Nursultan Nazarbaevtyń prezıdenttik saılaýdaǵy jeńisi Memleket basshysynyń birlikti, ekonomıkalyq turaqtylyq pen tynysh­tyqty, ultaralyq  jáne dinaralyq kelisimdi saqtaýǵa baǵyttalǵan saıasatyna berilgen joǵary baǵa ekenin aıtady. Memleket basshysyna qoldaý bildirip, «Ǵalymdar odaǵy» respýblıkalyq qoǵamdyq birlestiginiń músheleri, Jarkent qalasynan Jambyl atyndaǵy orta mekteptiń ujymy, Elbasynyń Almaty oblysy Qarasaı aýdanyndaǵy muǵalimderi men synyptastary da hat joldaǵan. Sondaı-aq, Qazaqstannyń eńbek sińgen qaıratkeri, jazýshy S.Dosanov, Almaty qalasynan jazýshy Sh.Kumarova,  Astana qalasynan Sosıalıstik Eńbek Eri B.Shúkirbekov, Shyǵys Qazaqstan oblysy Semeı qalasynan «Abaı» jýrnalynyń bas redaktory M.Ospanov, Ulttyq ǵylym akademııasynyń akademıgi B.Jumaǵulov, Shymkent ýnıversıtetiniń  professory N.О́tkelbaevtan da quttyqtaý hattary kelip tústi. Osyndaı jyly lebizdi hattar Shyǵys Qazaqstan oblysy Shemonaıh aýylynan tyl ardagerleri Nıkıtınadan, Drıýchınadan, Fedorovadan jáne  Borodınadan, Almaty oblysy Jaınaq batyr aýylynan O.Baıtoǵaevtan, Qyzylorda oblysy Qazaly qalasynan Z.Baımahanovadan,  Almaty qalasynan J.Dáribaevadan,  As­tana qalasynan N.Cherpokovadan, Qara­ǵandy qalasynan B.Ahmetov jáne Shymkent qalasynan O.Kóshekbaevtan keldi.