«Qazgıdromet» sınoptıkteri 3-5 jeltoqsan aralyǵyna arnalǵan aýa raıy boljamyn usyndy, dep habarlaıdy Egemen.kz.
Qazaqstannyń basym bóliginde atmosferalyq frontaldy bólikter qalyptasady, bul aýa raıynyń turaqsyzdyǵyna sebep bolady.
«Eldiń soltústik, ortalyq óńirlerinde azdaǵan qar, ońtústik, shyǵys óńirlerinde jaýyn-shashyn (jańbyr, qar), kóktaıǵaq bolady. Tek respýblıkanyń batysynda, ońtústik-batysynda antısıklonnyń áserinen jaýyn-shashynsyz aýa raıy kútiledi. Respýblıka boıynsha tuman túsedi», delingen habarlamada.
Temperatýralyq fonda aıtarlyqtaı ózgeris bolmaıdy.