Úkimettik emes uıymdarǵa arnalǵan syılyqaqyny tabystaý boıynsha jyl saıynǵy baıqaý aıaqtaldy. Qoǵam qaıratkerleri men sarapshylardan qurylǵan konkýrstyq komıssııa 135 uıymnyń ótinimin qarady, dep habarlaıdy Egemen.kz Mádenıet jáne aqparat mınıstrliginiń baspasóz qyzmetine silteme jasap.
Nátıjesinde 15 nomınasııa boıynsha 66 úkimettik emes uıym syılyqaqy ıegeri atandy.
Laýreattardyń jumysy joǵary áleýmettik mańyzdylyǵyn kórsetedi. Syılyqaqy jeńimpazdary 5 myńnan astam arnaýly áleýmettik qyzmet kórsetip, 8 myńnan astam adamǵa ońaltý jumystaryn júrgizdi. Sondaı-aq halyqtyń áleýmettik osal toptarynan 60-tan astam adam jumysqa ornalastyryldy.
Aıta keteıik, keıingi segiz jyl ishinde bul bedeldi marapat 486 úkimettik emes uıymǵa tabystalǵan.
Úkimettik emes uıymdarǵa arnalǵan syılyqaqy jeńimpazdarynyń tizimi.