R.Baǵlanova atyndaǵy «Qazaqkonsert» memlekettik konsert uıymynyń úlken zalynda kompozıtor Nurǵısa Tilendıevtiń 100 jyldyǵyna oraı «Otyrar sazy shaqyrady!» konserti ótti. Sahna tórinde Qazaqstannyń kórnekti orkestrleri – N.Tilendıev atyndaǵy «Otyrar sazy» akademııalyq folklorlyq-etnografııalyq orkestri men E.Rahmadıev atyndaǵy memlekettik akademııalyq fılarmonııasynyń sımfonııalyq orkestri óner kórsetti.
Elorda turǵyndary eki orkestrdiń jáne E.Rahmadıev atyndaǵy memlekettik akademııalyq fılarmonııasynyń Kameralyq horynyń oryndaýynda Nurǵısa Tilendıevtiń qazaq mýzykasynyń altyn qoryna engen shyǵarmalaryn tyńdady. Sondaı-aq kórermenge erekshe shyǵarmashylyq eksperıment usynylyp, kóne qazaq halyq aspaptarynyń únimen qatar «Vivo per lei», «The Prayer», «Melodramma», «Remember», «She» jáne «Shındler tizimi» fılminen kompozısııalar oryndaldy.
Budan bólek sahnada Qazaqstannyń eńbek sińirgen qaıratkerleri Svetlana Aıtbaeva men Azamat Jyltyrkózov, halyqaralyq jáne respýblıkalyq baıqaýlardyń laýreattary Nurǵalym Amanbaı, Farhat Kýbıev, Tolǵanaı Pazylaqyn, Erbol Tájibaev óner kórsetti. Sonymen qatar dástúrli ánshi О́zgeris Sherikbaı, halyqaralyq baıqaýlardyń laýreaty Fırýza Rahmetova kórermenge óz ónerin usyndy.
Mádenı keshke N.Tilendıev atyndaǵy AFEO «Otyrar sazynyń» kórkemdik jetekshisi jáne bas dırıjeri – Dinzýhra Tilendıeva, N.Tilendıev atyndaǵy AFEO «Otyrar sazy» orkestriniń dırıjeri – Jalǵasbek Begendikov, sımfonııalyq orkestrdiń dırıjeri Arman Jaıym dırıjerlik etti. Al sımfonııalyq orkestrdiń kórkemdik jetekshisi jáne bas dırıjeri – Abzal Muhıtdın, Kameralyq hordyń kórkemdik jetekshisi jáne bas dırıjeri – Gúlmıra Quttybadamova.