PETROPAVL. 17 maýsym. Oblys ortalyǵynda 2000 teńge kýpıýralaryn qoldan jasap, paıdalanýmen aınalysqan qylmystyq top quryqtaldy.Bul týraly BNews.kz habarlady.
Oblystyq memlekettik kirister departamenti qyzmetkerleriniń jedel-aldyn alý sharalary barysynda 2000 teńgelik jalǵan kýpıýralardy ázirlegen úsh adam ekeni anyqtaldy.
«Kúniburyn kelisý arqyly bir top adamnyń qoldan jasalǵan aqsha kýpıýralaryn ótkizý maqsatynda basyp shyǵarý oqıǵasyna qatysty sotqa deıingi tekserý jumystary bastaldy.Jedel-aldyn alý sharasyn ótkizý barysynda kúdikti adam serııasy BI 3763232 bolatyn nomınaly 2000 teńgelik kýpıýranyń 31 danasyn tapsyrdy», dedi departamenttiń bas mamany Renat Sahatov.
Qylmystyq iske tikeleı qatysty kúdiktilerdiń biriniń úıin tintý kezinde DVD dıskiler, flesh karta men júıelik blok jáne planshet tárkilendi. Onyń aıtýynsha, kýpıýralar nomınaly 2000 teńgelik shynaıy aqsha kýpıýrasyn skanerlep, A4 formatty qaǵazǵa túrli-tústi prıntermen basyp shyǵarý arqyly jasalǵan. Aqshalar Petropavl aýmaǵynda paıdalanylǵan.
Qazir QR Qylmystyq Kodekstiń 231-shi baby boıynsha qylmystyq is qozǵalyp, tergeý amaldary júrgizilýde.
О́mir Esqalı.
Derek: BNews.kz
Sýret: egemen.kz