Tartys kórigi qyza tústi

Chıangmaıda 67 kg sal­maq­taǵy Dýlat Bekbaýov ekinshi ret sharshy alańǵa kóterildi. Tusaýkeser kezdesýinde taıpeılik Vang Chıýandy esh qı­nalmaı utqan Tarazdyń tarlany shırek fınalda malaızııalyq Aıman Muhammad Arıftiń tas-talqanyn shyǵardy. Úshinshi raýndta Dýlattyń qarsylasy básekeni odan ári jalǵastyra almady. 71 kg salmaq dárejesindegi Abylaıhan Júsipov biraz ýaqyt kásipqoılar ara­synda óner kórsetip, ja­qynda ǵana áýesqoı rıngke qaıta oralǵany belgili. Qaraǵandylyq qyran ke­zinde álem chempıonatynda úsh ret qola medaldy moınyna ilip, Azııanyń vıse-chem­pıony atanǵanyn da jankúıerler jaqsy biledi. Osy joly Abylaıhan jaqsy babynda ekenin baı­qatyp, túrikmenstandyq Baıramdýrdy Nurmu­ham­­medovti edáýir basym­dyqpen jeńdi. Báseke barysynda ol básekelesin bir márte eseńgiretip te tastady. 75 kg sal­maq­taǵy Dıas Moljigitovpen judy­ryqtasýǵa tıis japo­nııalyq Daıgo Sýnago rıngke shyqpady.

Burymdylar báseke­sinde 48 kg salmaqtaǵy Áıgerim Sáttibaeva kó­rer­menderin qýantty. О́te shıe­lenisti ótken aıqasta fılıppındik Ofelııa Mag­nony utty. 54 kg sal­maq­taǵy Symbat Álıas­qar qytaılyq Ven­sıan Sıýge ese jiberdi.

Altynshy jarys kúni de shırek fınaldyq saıys­tar ótti. Rıng­ke kóterilgen eli­mizdiń alty boks­shysynyń beseýi jeńiske jetti. Sóıtip, Orazbek Asylqulov, Er­asy­l Jaqpekov, Jazıra Oraq­baeva, Ul­jan Sár­sen­bek, Vık­torııa Gra­feeva jartylaı fınalǵa joldama aldy.

57 kg salmaq dáre­je­sindegi Orazbek Asyl­qu­lov taılandtyq Fanývat Chýdjanatpen kúsh synasty. Jergilikti jankúıerler óz óren­derine barynsha qol­daý kórsetti. Olar aıǵaı­­lap-shýlap, ker­neı­­­­letip-syrnaılatyp, sport keshenin basyna kóter­genimen, bul jaǵdaı qa­zaqtyń ór minezdi uly­na esh áser etken joq. Oraz­bek ózine tán mánerde ju­dyryqtasyp, qar­sylasyn únemi qyspaqta ustady. Asyl­qulovtyń soqqylary dálirek tıip, qazylardyń jeńisti bizdiń boks­­shyǵa berýge basqa amaly qal­mady.

60 kg salmaqtaǵy Beı­barys Jeksen tusaýkeser kezdesýinde óz­bekstandyq Dilshod Abdýmý­rý­dov­tan aılasyn asyrǵanda, «basty básekelesinen basym túsip, ony eline qaıtardyq. En­di Beıbarystyń ekpi­nine eshkim shydamas», dep qatty qýanǵan edik. Biraq kelesi kezeńde qýany­shy­myz sý sepkendeı basyldy. Tájikstandyq Aq­mal Ýbaıdovpen aıqas­qan Jeksen bilgeninen ja­ńy­lyp, jeńilis tapty.

80 kg salmaqtaǵy Er­asyl Jaq­pekov Saǵyn Saty­baldyulymen saıysqa tústi. Birinshi raýndta qyrǵyz sportshysy basym tústi. Úzilis kezinde buryshtaǵy bap­kerleri shákirtterine durys baǵyt-baǵdar berdi. Taktıkasyn dereý ózgertken qandasymyz kelesi úsh mınýt aralyǵynda tarazy basyn teńestirip úlgerdi. Úshinshi raýnd­ta da Erasyldyń mysy basym boldy. Nátıjesinde, tóreshi Jaqpekovtiń qolyn kóterdi.

Erlerden keıin sharshy alańǵa shyqqan qyz­darymyz  jekpe-jek­terin óte qarqyndy ótkizdi. Aldymenen Jazıra Oraq­baeva qýantty. 52 kg sal­maqta synǵa túsken ol Iýtın Lýonyń «máselesin» bi­rinshi raýndta-aq sheship tastady. Jazıra ony eki ret nokdaýnǵa jiberdi. Tóre­shi básekeni sol mezette dereý toqtatty. 57 kg salmaqtaǵy Uljan Sársenbek vet­namdyq Tran Ngýendi upaı sanymen utty. Ekinshi raýndta Uljan qarsylasyn bir márte eseńgiretti. Sońǵy bolyp 60 kg salmaqtaǵy Vıktorııa Grafeeva óner kórsetti. Ol Taıpeıdiń ókili Chen Sıýan Eni alǵashqy eki raýndta úsh ret nokdaýnǵa túsirip, merziminen buryn jeńiske jetti.

Keshe Sanjar Táshkenbaı (48 kg) tájikstandyq Meh­ron Sha­fıevpen, Sá­ken Bıbosynov (51 kg) ózbek­standyq Asylbek Jálı­lovpen, Mahmud Sabyrhan (54 kg) shrılankalyq Jaıanat Qumarmen, Muhamedsabyr Bazarbaıuly (63,5 kg) taı­landtyq Somchaı Vong­sýva­men, Saǵyndyq Toǵambaı (92 kg) О́zbekstannyń qazaǵy Madııar Saıdraqymovpen judyryqtasty. Bular – sońǵy shırek fınaldyq saıystar. Sodan soń bylǵary qolǵap sheberleri eki kún demalady. 9 jeltoqsanda jartylaı fınaldyq básekeler ótedi. Azııa chempıonatynyń je­ńimpazdary 11 jeltoq­sanda anyq­talady.