Oralda úsh metrlik káriz qudyǵyna qulap ketken er adam qutqaryldy, dep habarlaıdy Egemen.kz.
Tótenshe jaǵdaılar mınıstrliginiń aqparatyna sensek, oqıǵa senbi kúni Ýrdınskaıa kóshesindegi úıdiń janynda bolǵan.
«1989 jyly týǵan er adam úsh metrlik káriz qudyǵyna qulap ketken. Jaqyn mańnan ótip bara jatqan adamdar kómek suraǵan daýysty estip, 112-ge júgingen», delingen vedomstvo habarlamasynda.
Oqıǵa ornyna jetken qutqarýshylar er adamdy alpınıstik quraldardyń kómegimen alyp shyqty.
«Olar zardap shegýshini jedel medısınalyq járdem qyzmetkerlerine tapsyrdy», dep qosty baspasóz qyzmeti.