Jambyl oblysynda Tótenshe jaǵdaılar mınıstrliginiń qutqarýshylary jeńil kólikter tıelgen avtotasymaldaýshyny kúlge aınalýdan aman alyp qaldy, dep habarlaıdy Egemen.kz.
Osylaısha Jambyl oblysyndaǵy avtobanda TJM órt sóndirýshileri birneshe avtokólik tıelgen avtotasyǵyshty órtten qutqaryp qaldy.
«Jambyl aýdanynda respýblıkalyq mańyzy bar «Almaty-Tashkent» avtojolynyń 531 shaqyrymynda 8 jeńil avtokólik tıelgen avtotasyǵyshtyń artqy dóńgelekteri jandy. TJM kúshteri órtti jedel túrde sóndirdi. Zardap shekkender joq. О́rtiń shyǵý sebebi anyqtalyp jatyr», dedi vedomstvo baspasóz qyzmeti.
Al kólik tasyǵyshtyń júrgizýshisi qutqarýshylar kelgenge deıin úsh jeńil kólikti túsirip úlgergen eken.