Oqýdyń erte-keshi joq. Sózimizge dálel – 69 jastaǵy túrkııalyq Kadrıe Yshykly. Ol qazir Túrkistandaǵy Ahmet Iаsaýı ýnıversıtetinde bilim alyp júr.
Kadrıe hanym buǵan deıin Túrkııada «Týrızm» mamandyǵy boıynsha joǵary oqý ornyn támamdap, 20 memleketti sharlaǵan. Zeınetkerdiń elimizge kelgenine nebári 1,5 aı bolsa da, memlekettik tildi meńgerip qalǵan. «Endigi maqsatym – Orta Azııa elderimen tanysyp, baýyrlas halyqtyń mádenıetin nasıhattaý», deıdi ol.
Notr-Dam qaıta jańǵyrdy
Álemdik mádenı muranyń aıryqsha nysany sanalatyn áıgili Notr-Dam-De-Parı shirkeýi qaıta ashyldy.
Saltanatty is-sharaǵa Fransııa prezıdenti Emmanıýel Makron men AQSh-tyń jańa saılanǵan prezıdenti Donald Tramp qatysty. Aıta keteıik, 2019 jylǵy alapat órtten keıin áıgili shirkeý kúrdeli jóndeýden ótken edi. Ony qalpyna keltirý jumysyna 760 mıllıon dollar jumsalyp, 250 kompanııa men 2 myńnan astam adam atsalysqan. Parıjdiń kórnekti orny endi kelýshilerdi qabyldaı bastaıdy.
Tórt kúndik jumys aptasy
Japonııada demografııalyq daǵdarysty eńserý maqsatynda tórt kúndik jumys aptasy engizilmek.
Jańa ereje sáýir aıynda kúshine enedi. Mamandardyń aıtýynsha, Kúnshyǵys eliniń halyq sany keıingi segiz jylda kúrt azaıyp barady. Sebebi jumysbastylyqtan jastarǵa otbasyn quryp, balaly bolý qıyndaǵan. Sondyqtan Japon úkimeti halyq sanyn kóbeıtý maqsatynda er adamdarǵa da ákelik demalys berý sııaqty birqatar sharany qolǵa almaq.