Oblysta jańadan qurylǵan Jańasemeı aýdany alǵa qoıǵan josparlardy oıdaǵydaı júzege asyryp keledi. Aldaǵy ýaqytta óńirdiń ınfraqurylymyn jaqsartý baǵytynda ilkimdi jobalar júzege aspaq. Bul týraly Jańasemeı aýdanynyń turǵyndarymen kezdesken Abaı oblysynyń ákimi Nurlan Uranhaev málim etti.
2024 jyldyń 11 aıynyń qorytyndysy boıynsha óńir ekonomıkasynda oń ózgeris baıqalady. Shaǵyn jáne orta bıznes sýbektileriniń sany 55 442-ge deıin ósti, onyń 734-i Jańasemeı aýdanynda tirkelgen. Aýdan agrarlyq salada joǵary áleýetke ıe. 10 aıda jalpy ónim kólemi 18,5 mlrd teńgeni qurady, al naqty kólem ındeksi 101,6%-ǵa jetti. Aýyl sharýashylyǵy ónimderin óndirýde 13 myń tonna et, 7 myń tonna sút, 2,7 mln jumyrtqa óndirilip, joǵary deńgeıge jetip otyr.
2024 jyly aýdanda ınfraqurylymdy jaqsartý boıynsha aýqymdy jumystar bastaldy. Áleýmettik osal toptaǵy azamattar úshin jalpy aýdany 5 916 sh. m. 88 úı satyp alý josparlandy. Aqbulaq jáne Polovınkı aýylynda sý qubyry jelileriniń qurylysyn aıaqtady. Alǵabas pen Shaǵan aýyldarynda osyndaı jumystar júrgizilip jatyr. Kóshe jaryǵy tórt eldi mekende ornatyldy. 6 aýylda jaryqtandyrý boıynsha qajetti qujattamalar daıyndalyp tıisti quzyretti basqarmaǵa bıýdjettik tapsyrys usynylady.
«Oblys turǵyndarynyń ómir súrý sapasyn arttyrý men ál-aýqatyn arttyrý boıynsha únemi jumys júrgizilip otyr. Mindet – óńir turǵyndary úshin qolaıly jáne qaýipsiz orta qurý. Bul sharýada sizderdiń de oblys ómirine belsendi qatysýlaryńyz onyń damýy úshin mańyzdy. О́tken jyly aýqymdy jumystar júrgizildi. Bıyl biz ınfraqurylymdy jaqsartýǵa, bilim berý men densaýlyq saqtaýdy damytýǵa baǵyttalǵan mańyzdy jobalardy iske asyrýdy jalǵastyramyz», dedi oblys basshysy.
Aýdan quramyna kiretin Talısa jáne Prırechnoe aýyldarynda sý qubyry jelilerin salý jáne rekonstrýksııalaý úshin jobalaý-smetalyq qujattamasy ázirlenip saraptamanyń oń qorytyndysy alynǵan. Jobalardy iske asyrý úshin tıisti basqarmaǵa bıýdjettik ótinim berildi.
Aýdanda 18 mektep jumys isteıdi, onyń beseýi kúrdeli jóndeýdi qajet etedi. 2025–2027 jyldarǵa 11 mektepke keshendi jóndeý jumystaryn júrgizý jospary Bilim basqarmasymen birlesip ázirlendi. Aýdanda alǵash ret Ozerkı aýylynda zamanaýı 70 oryndyq balabaqsha ashyldy. 2025 jyldyń I toqsanynda Prırechnyı aýylynda 60 orynǵa arnalǵan balabaqsha ashylýy josparlanyp otyr.
Sondaı-aq Alǵabas aýylynda sport modýliniń qurylysy iske asyrylyp jatyr. Buqaralyq sportty damytý maqsatynda 3 aýylda dene shynyqtyrý-saýyqtyrý keshenderiniń jobalaý-smetalyq qujattamasy ázirlendi.
Abaı oblysy