Batys Qazaqstan oblysynda ózennen er adamnyń denesi tabyldy. Bul týraly BQO PD baspasóz qyzmetinen málim boldy, dep habarlaıdy Egemen.kz.
PD málimetinshe, oqıǵa 13 jeltoqsan kúni Báıterek aýdany aýmaǵynda bolǵan.
«Shamamen saǵat 12.00-de Sadovoe aýyly mańynda Shaǵan ózenindegi muzdyń ústinen er adamnyń múrdesi tabyldy. Onyń denesinde zorlyq-zombylyq belgileri bolmaǵan. Er adamnyń kim ekeni anyqtaldy. Múrde sot-medısınalyq saraptamaǵa jiberildi», delingen PD habarlamasynda.
Qazirgi kezde oqıǵanyń mán-jaıy anyqtalyp jatyr.