«Jedel járdem» ushaǵy

Semeıdegi medısına qyzmetine paıdalanylady Semeı qalasynyń sanıtarlyq avıasııasy An-2 ushaǵyna ıe boldy. Endi sala mamandarynyń jumysy edáýir jaqsarmaq. Sanıtarlyq avıasııa basshylyǵynyń aıtýynsha, tikushaqpen salystyrǵanda, ushaqtyń múmkindigi tipten mol. Ýaqyt únemdeý jaǵynan da, dári­ger­ler men naýqastarǵa arnal­ǵan oryndar sanynan da utymdy. Sanavıasııa meńgerýshisiniń piki­rine súıensek, eger mamandar jemis­ti jumys jasasa, shalǵaıdaǵy aýdandarǵa da qol ushyn sozý Den­saýlyq saqtaý jáne áleýmettik damý mınıstrligi tapsyrmasymen júzege asady. Bul halyq úshin asa tıimdi bolmaq. Jańa ushaq Elbasymyz­dyń halyq densaýlyǵyn jaq­sartý boıynsha bergen tapsyrma­laryna sáıkes atqarylyp jatqan jumystardyń nátıjesi. Jetýi qıyn jerlerdegi azamattarǵa shuǵyl medısınalyq kómek kórsetý maqsatynda Densaýlyq saqtaý jáne áleýmettik damý mınıstrliginiń qoldaýymen berilgen An-2 ushaǵy endi medısınalyq qyzmet kórsetý sapa­syn jaqsartpaq. Ushaqty Taraz­dyń «Taraz Jańa Álem» kom­panııasy jetkizgen. Endi Semeı qalasynan shalǵaıdaǵy Abyraly óńiri, Abaı, Borodýlıha, Besqaraǵaı aýdandary, Shar, Kýrchatov sııaqty qalalardyń jedel medısınalyq kómekke zárý turǵyndary jedel túrde qalaǵa jetkiziletin bolady. Buǵan deıin Semeı qalasynyń sanıtarlyq avıasııa qyzmeti ótken jyldyń sáýir aıynda berilgen tikushaqpen qysqa merzimdi ýaqyt aralyǵynda nátıjeli jumys kórsetkishin baıqatqan. – Tikushaq berilgen ýaqyt aralyǵynda 41 ret áýege kóterilip, onyń ishinde 39 naýqasty qaladaǵy onkologııalyq, kardıologııalyq ortalyqtarǵa, perzenthanalarǵa jetkizip, medısınalyq kómek kórsetýge múmkindik jasadyq. Úsh aı ýaqyt aralyǵynda sonsha adamǵa kómek kórsetý óte jaq­sy kórsetkish dep oılaımyz, – deı­di Semeı qalasy sanıtarlyq avıasııa­synyń meńgerýshisi Najııa Pronına. Sanıtarlyq avıasııa negizinen júkti áıelderge, balalarǵa, ınsýlt alǵan naýqastarǵa, jol -kólik oqıǵasyna tap bolǵan adamdarǵa qyzmet etedi. Olarǵa qaladaǵy bilikti mamandarmen jasalǵan kelisimshart negizinde medısınalyq mekemelerde tıisti járdemder beriledi. Jańa ushaq ázirge qyzmetine tolyq kirisken joq. Qazirgi tańda ushaqty medı­sınalyq jabdyqtarmen qamta­masyz etý isi júrgizilip jatyr. Raýshan NUǴMANBEKOVA. SEMEI.