Qazaqstannyń qalalarynyń birinde alkogoldi ishimdikterdi satý men tutynýǵa tyıym salynýy múmkin, dep habarlaıdy Egemen.kz.
Bul týraly Májiliste Túrkistan qalasynyń erekshe mártebesi týraly zań jobasyn talqylaý barysynda belgili boldy.
Májilis depýtaty Ardaq Nazarov Túrkistan qalasy rýhanı astana bolyp tanylǵan soń, alkogolge tyıym salýǵa bola ma dep surady.
«Osy Zań aıasynda, eger biz Túrkistanda alkogol ishýge, ony satýǵa, mas kúıinde kóshede júrýge tyıym salsaq... О́ıtkeni, Túrkistan-rýhanı astana, barlyq qazaqtar munda rýhanııatty tartýy kerek. Bizdiń ata-babalarymyz, áýlıelerimiz, bıler osynda jatyr. Erteń munda shetelden kóptegen qonaqtar keledi, eger bizdiń adamdar olardy mas kúıinde qarsy alsa, bul uıat bolady. Sondyqtan, osy Zań aıasynda Túrkistandy alkogolsiz qala dep jarııalaý arqyly alkogolge tyıym sala alamyz ba», dep surady májilismen Túrkistan qalasy ákimdiginiń ókilderinen.
Túrkistan oblysy ákiminiń orynbasary Beısenbaı Tájibaev óńirde «Ishimdiksiz aýyl» jobasy iske asyrylyp qoıǵanyn aıtty.
«Atalǵan jobaǵa basqa oblystar da atsalysyp jatyr. Bul bastamany aqsaqaldar qoldady, túrli formatta pikirtalas ta boldy. Árıne, Túrkistan týrıster úshin tartymdy qala. Osyǵan baılanysty kóptegen pikirler týyndaıdy. Bul másele ózekti jáne ol zańnamalyq normalar aıasynda qarastyrylady», dep jaýap berdi ákimniń orynbasary.