Abaı oblysynda «Birikken energetıkalyq servıstik kompanııa» AQ-ǵa qarasty elektr jabdyqtaý qosalqy stansııasynyń órtenýi saldarynan eldi mekender jaryqsyz qalǵan. О́rt keshe saǵat 23:59-da oqshaýlandy, dep habarlaıdy Egemen.kz.
«2024 jylǵy 18 jeltoqsanda saǵat 23:30-da Aıagóz aýdanynyń 101 servıstik pýltine «Birikken energetıkalyq servıstik kompanııa» AQ qosalqy stansasynda órt shyqqany týraly habarlama kelip tústi. О́rtti sóndirýge 4 órt sóndirý mashınasy men 15 qyzmetker jumyldyryldy», delingen ákimdik habarlamasynda.
О́rt saldarynan zardap shekkender joq. Qazirgi tańda órttiń shyǵý sebebin anyqtaý jumystary júrgizilip jatyr.
Qalpyna keltirý jumystary nátıjesinde Mamyrsý aýyldyq okrýgi jáne Aıagóz qalasynan basqa barlyq aýyldyq okrýg elektr energııasymen qamtamasyz etilgeni habarlandy.
Ákimdiktiń habarlaýynsha, qalada birinshi kezekte 6 ortalyqtandyrylǵan jylý qazandyǵyn iske qosý jumystary bastalyp, onyń 5-eýi iske qosylǵan.
Sonymen qatar «BESK» AQ Úrjar, Jarma aýdandary men О́skemen jáne Semeı qalalarynan kelgen 7, sondaı-aq aıagózdik 3 brıgada jóndeý jumystaryn júrgizip jatyr. Qalpyna keltirý jumystaryna barlyǵy 30-ǵa jýyq maman jumyldyrylǵan.