Astana qalasynyń ákimi Jenis Qasymbek elorda ekonomıkasy ósip jatqanyn aıtty, dep habarlaıdy Egemen.kz.
«Áleýmettik-ekonomıkalyq kórsetkishter boıynsha oń dınamıka baıqalady. Qala ekonomıkasy ósip keledi. Jalpy óńirlik ónim birinshi jartyjyldyqtyń qorytyndysy boıynsha 7% boldy, bul – 5,4 trln teńge. Bıyl jalpy óńirlik ónim qurylymynda óndiris sektorynyń úlesi 13,9%-dan 15,7%-ǵa deıin ósýi baıqalady. Bul ónerkásip jáne qurylys salalarynyń belsendi damýynyń arqasynda bolyp otyr. Negizgi draıver – shaǵyn jáne orta bıznes, ol elorda ekonomıkasynyń 72,1%-yn quraıdy. Bul respýblıka boıynsha eń joǵary kórsetkish», dedi qala ákimi Ortalyq kommýnıkasııalar qyzmetinde ótken brıfıngte.
Onyń aıtýynsha, elordada jumys istep turǵan shaǵyn jáne orta bıznes sýbektileriniń sany 7,3%-ǵa ósip, 247 myńnan asty.
«Elordanyń jeke tabysy alǵash ret 1 trln teńgeden asty. Bul barlyq negizgi sanattar boıynsha salyq túsimderiniń ósýine baılanysty múmkin boldy. Investısııa kólemi 1,6 trln teńgeden asyp, 20,4%-ǵa ulǵaıdy. Bul somanyń 70%-dan astamy – jeke ınvestısııalar. Elordanyń qurylys sektorynyń qarqyny 870 mlrd teńgeden asty», dedi Jeńis Qasymbek.
11 aıdyń ishinde Astanada 3,6 mln sharshy metr turǵyn úı paıdalanýǵa berildi, bul ótken jylmen salystyrǵanda 6,4%-ǵa kóp.