Belarýs Ortalyq saılaý komıssııasy qazirgi prezıdent Aleksandr Lýkashenkony aldaǵy prezıdent saılaýyna úmitker retinde tirkedi, dep habarlaıdy Egemen.kz.
Sondaı-aq prezıdenttikke úmitkerler tiziminde: «Kommýnıst Belarýs» gazetiniń bas redaktory Sergeı Syrankov, «BelNIIPGradostroıtelstvo» dırektory Aleksandr Hıjnıak, depýtat Oleg Gaıdýkevıch jáne kásipker Anna Kanopaskaıa bar.
Buryn qabyldanǵan saılaý josparyna sáıkes, saılaý aldyndaǵy úgit-nasıhat jumystary 2025 jyldyń 1 qańtary men 25 qańtary aralyǵynda ótedi. 21 qańtar men 25 qańtardy qosa alǵanda, elde prezıdent saılaýyna merziminen buryn daýys berý ótedi. Aıta keteıik, negizgi daýys berý kúni - 26 qańtar.