2023 jyldyń jazynda jer komıssııasy Qaraǵandy oblysy, Buqar jyraý aýdanynyń ákimdigi sharýa qojalyǵy ótkizgen konkýrstyń jeńimpazyn anyqtap, 247 ga jer telimin 10 jylǵa jalǵa berý sharty jasalǵan, dep jazady Egemen.kz.
Konkýrs qatysýshysy upaı esepteý tártipke saı júrgizilmegenin aıtyp, sotqa shaǵymdanǵan. Mamandandyrylǵan aýdanaralyq ákimshilik soty konkýrsty ótkizý kezinde jer zańnamasyn buzý faktileri bolmaǵanyn negizge alyp, talap qoıýdy qanaǵattandyrýdan bas tartqan.
Apellıasııany zańsyz dep tanyp, komıssııanyń sheshimi men ákimniń sharýa qojalyǵyna uzaq merzimdi jer paıdalaný quqyǵyn berý týraly qaýlysynyń kúshin joıdy.
Oblystyq sot ákimge Qyzylqaıyń aýyldyq okrýginde jalǵa berý quqyǵy boıynsha konkýrstyń qorytyndysyn qaıta qaraýdy mindettegen.
Aýdan ákimi bul sheshimge kassasııalyq tártipte shaǵym túsirgen.
Joǵarǵy Sottyń ákimshilik ister jónindegi sot alqasy isti qarap, komıssııa otyrysynyń beınejazbasynan komıssııa músheleriniń negizgi nemese qosymsha upaılardy berý boıynsha daýys bermegenin anyqtady.
Al komıssııa tóraǵasy konkýrsqa qatysýshylarǵa ózi bólgen.
Jer kodeksine jáne Sharýa qojalyǵyn júrgizýge jalǵa berý quqyǵyn berýge konkýrsty uıymdastyrý jáne ótkizý qaǵıdalaryna sáıkes belgili bir aýdanda, qalada, aýylda, eldi mekende 5 jyldan kem emes turatyndarǵa qosymsha 10 ball beriledi.
Konkýrs kezinde onyń otbasy Qaraǵandyda tirkelgenin eskerip, oǵan negizsiz qosymsha 10 upaı berilip, ol jeńimpaz dep tanylǵan.
Osyǵan baılanysty Joǵarǵy Sot atalǵan is boıynsha oblystyq sottyń qaýlysyn kúshinde qaldyrdy, al aýdan ákiminiń shaǵymyn orynsyz dep tapty.