Bıyl sáýirde QR Oqý-aǵartý mınıstrliginiń qoldaýymen bastalǵan «Pedagogıkalyq ıdeıalar panoramasy-2024» respýblıkalyq beınesabaqtar men beıneádister konkýrsynyń qorytyndysy shyqty, dep jazady Egemen.kz.
Baıqaýǵa 5000 pedagog qatysqan. Onyń ishinde 108 qatysýshy jeńimpazdar qatarynan kórindi.
Baıqaý aımaqtyq jáne respýblıkalyq kezeńnen ótti. Beınesabaqtar 12 baǵyt boıynsha daıyndalǵan. Olardy óńirlik saraptama keńesiniń músheleri jeti krıterıı boıynsha baǵalady.
«Respýblıkalyq saraptamalyq keńestegi jumysqa О́rleý ókilderi men konkýrstyń baǵyttary boıynsha syrtqy sarapshylar tartyldy. Konkýrstyq jumystardy baǵalaý rásimi ashyq jáne shynaıy boldy. Respýblıkalyq kezeń júldegerleriniń tizimi bizdiń ortalyq fılıaldarynyń saıtynda jáne resmı akkaýnttarynda ornalastyrylady», dedi «О́rleý» Ulttyq biliktilikti arttyrý ortalyǵynyń basqarma tóraǵasy Aıdana Shılıbekova. Osylaısha, 108 pedagog 1, 2, 3 dárejeli dıplomdarǵa ıe boldy. Ár baǵyt boıynsha YouTube-te eń kóp qaralǵan beınematerıaldardyń avtorlary anyqtaldy. Sonymen qatar, bıyl IýNESKO baıqaýǵa qatysýshylardyń jumystaryna birinshi ret baǵa berip, «jahandyq azamattyq rýhynda bilim berý» jáne «klımattyq ózgerister salasyndaǵy bilim berý» baǵyttary boıynsha arnaıy marapattar tabystady.