Almaty qalasy Bostandyq aýdanyndaǵy Nazarbaev dańǵylynda 1984 jyly ornalastyrylǵan jylý qubyry jaryldy, dep jazady Egemen.kz.
Saldarynan qaladaǵy Sátbaev, Dostyq, Taımanov kósheleriniń boıy men Samal 1, 2, 3 yqsham aýdanynda ornalasqan úıler men ǵımarattar jylýsyz qaldy.
Ákimdik habarlaýynsha, qubyr 25 jeltoqsan saǵat 01:00-ge deıin jóndeledi.
«Esterińizge sala keteıik, eger tótenshe jaǵdaı bolsa (sý tasýy, bý shyǵýy jáne t.b.), óz betińizshe áreket etpeýińizdi jáne tómendegi nómirlerge habarlasýyńyzdy suraımyz: +7 (727) 378-06-65 (táýlik boıy), +7 (727) 341-07-77 (08:00-den 18:00-ge deıin) nemese 109», delingen ákimdik habarlamasynda.
Qubyrdaǵy aqaýdy jedel joıý úshin «ALJJ» JShS-nyń jóndeý-qurylys qyzmeti jumys istep jatyr.