Qurylystaǵy ınnovasııa

Jobanyń bastapqy qadamy shatyrsyz jabyndy (ózdiginen kebetin jabyn) jobalaý boıynsha tehnıkalyq sheshimdi talqylaýdan bastaldy. Bul tásil ǵımarattardy paıdalaný ári qyzmet etý merzimin uzartady. Jartylaı jeldetiletin, ózdiginen kebetin jańa tehnologııaǵa negizdelgen jobanyń basty ereksheligi qurylys materıaldaryn tıimdi paıdalaný, sonymen qatar ǵımaratty tozbaýdan, sý ótkizbeýden saqtaýǵa yqpal etedi.

Qazaq bas sáýlet qurylys akademııasynyń rektory Margarıta Imandosovanyń aıtýynsha, jastardyń ǵylym men ınnovasııaǵa qosyp jatqan úlesi qomaqty. Bul ýnıversıtet ǵalymdarynyń elimizdegi qurylys salasyna jańa tehnologııalar men sheshimder ázirleýdegi ıgi qadamy. Stýdentter men jas ǵalymdardyń osyndaı tyń jobalary otandyq qurylys ındýstrııasyna tyń serpin beredi.

Qazirgi tańda jas ǵalymdar men zertteýshilerdiń jetistikteri akademııanyń ǵylym jáne ınnovasııalar prorektory, PhD Janǵazy Moldamuratovtyń jetekshiligimen júzege asyp jatyr.

Jalpy qurylys fakýltetiniń assıstent-professory Aıdana Qýanyshbaıdyń aıtýynsha, bul sheshim «Alumen Group» kompanııasy úshin ǵana emes, elimizdiń barlyq qurylys salasyna tıimdi bolmaq. Jas ǵalymdar qoldanatyn jańa materıaldar, onyń ishinde bıtýmdy-polımerli, elastomer­li jáne termoplastıkalyq jabyndar, armırlengen mastıka­lar, qurama temirbeton plıtalary ǵımarattardyń qurylym­dyq beriktigin qamtamasyz etedi. Innovasııalyq sheshimdermen qosa dybys ótkizbeıtin páter­ara­lyq qabyrǵalar maketi de erekshe nazar aýdarýǵa turady. Bul konstrýksııa eki jaǵynan metall jaqtaýmen qurastyrylǵan. Eki qabatty metall jaqtaýlarnyń eni 50 mm metellıarlyq profıl­der­den jasalǵan. Ondaǵy baǵyt­taý­shy profılder bir-birinen 10 mm qashyqtyqta ornatylǵan. Eki metall jaqtaýlarynyń shet­terinde eki qabatty qap­tamala­ry bar. Arasyndaǵy tigis­ter kep­tirilmeıtin sılıkon tyǵyz­da­ǵyshpen óńdeledi.

Eger jas ǵalymdardyń qu­rylysqa arnap jasaǵan ınno­va­sııalyq sheshimderi kommersııa­lanyp, óndiriske enetin bolsa, onda qurylys naryǵy zamanaýı, ekologııalyq jańa ónimmen tolyǵary sózsiz.

ALMATY