Qaýiptiń biri – nashaqorlyq

Qaryzsyz qoǵamdy, zańdy­lyq pen quqyqtyq tártip mádenıe­tin qalyptastyrý, sondaı-aq ósip kele jatqan jas urpaqtyń qarjylyq saýatyn arttyrý – quqyq qorǵaý organdarynyń aldynda turǵan mańyzdy qadamnyń biri.

Pavlodar oblysy boıynsha ekonomıkalyq tergep-tekserý ókilderi atap ótkendeı, mundaı aldyn alý is-sharalary respýblıka boıynsha barlyq aımaqta uıymdastyrylyp jatyr. Jastar zańsyz aınalymdaǵy esirtki zattarynyń orny tolmas qaıǵy-qasiret alyp keletinin bilýi kerek. Jeke qarajatty saýatty basqarý, qumar oıyndardyń qaýpi týraly keńirek maǵlumat alý olardyń keleshegine oń áser etedi.

Forým qatysýshylary qu­mar oıyndar adamnyń ómi­rin qa­laı qurtatynyn, olardy uıym­das­tyratyndar adamdardy tar­tý­dyń túrli aıla-sharǵysyn oılap tabatynyn túsindirdi. Keıingi ýaqyt­ta jastar arasynda esirtkini jáne psıhıkany buzatyn zattardy zańsyz tasymaldaý derekteri jıi tirkelip otyr. Esirtkini zańsyz tasymaldaý men taratý – qylmystyq quqyq buzýshylyqqa jatady. Ekinshi jaǵynan mundaı zańsyz áreket qoǵamda nashaqorlyqtyń kóbeıýine teris áser etedi.

О́ńirlik polısııa departa­menti esirtki qylmysyna qarsy is-qımyl basqarmasynyń bólim bastyǵy, polısııa podpolkov­nıgi Irına Temirǵalıeva esirtki­ge elitetin jas azamattardyń aldynda turǵan táýekelder týraly áńgimelep, olardyń bara-bara ózin tulǵalyq turǵydan qalaı joǵaltatynyn naqty mysaldarmen keltirdi.

– Aınalaıyndar, sender áli kóp dúnıeniń qadirin túsin­beı­tinderińdi, adamı qundylyq­tarǵa mańyzben qaraı qoımaıtyn­daryńdy jaqsy bilemiz. Biraq biz­diń mindet – qoǵamdy alańdata­tyn qaýipti ózderine túsindirý. Keıin opyq jep, qaıǵy-qasiretke túspeý úshin ne nárseniń bolsa da baıybyna barmaı, áreket jasamaý kerek. Eger top ishinde júrgende zamandastaryń esirtki paıdalanyp kórýge keńes berse, sózin sońyna deıin tyń­dańyzdar. Ol sózin aıaqta­ǵan soń suraqtaryńyzdy qoıyp, ózińizdiń estigen dálelderińizdi alǵa tartyńyz. Meılinshe kóp su­raqtar bolsa, usynys jasaǵan adamnyń ózi de abdyraıtyny belgili. Al sońynda báribir «joq» dep jaýap bergenińiz mańyzdy. Ashý ústinde ózińizge qarata aıtylǵan balaǵat sózderge mán bermeý kerek. Bul jerde janjal týyndatý – eń úlken qatelik. О́zińizdi qor­ǵaýǵa árekettený qarsylastyń ashýyn qozdyra túsedi. Sizdiń boıy­ńyzdaǵy jeke qadir-qasıetti ózge­ler baǵalaıdy dep oılaý – qatelik. Al adamdar bir-birin tal­qy­laýǵa qumar. О́zine senimdi adam­­dy qoǵam áldeqaıda joǵary baǵa­laı­tynyn bilgen abzal, – dedi maman.

Is-shara sońynda stýdentterge esirtki qylmysynyń aldyn alý men qarjy basqarý týraly aqyl-keńester jazylǵan aqparattyq paraqshalar taratyldy.

Pavlodar oblysy