Astanada ózge eldiń 5 azamaty qylmystyq shema quryp, lombardty tonap ketken, dep jazady Egemen.kz.
Qaskóıler lombardtyń kiltin alyp, qyzmetkerdiń túski úziliske shyqqan sáttin kútken. Keıin ishke kirip, jalpy quny 45 mıllıon teńgeni quraıtyn 654 altyn buıymdy, sondaı-aq kassadaǵy bir jarym mıllıon teńgeden astam aqshany urlap ketken.
Kúdiktiler qaladan iz sýytyp, eldiń batysynda boı tasalaǵan. Jedel-izdestirý is-sharalarynyń nátıjesinde polıseıler kúdiktilerdi Oral qalasyndaǵy úılerdiń biriniń aýlasynda ustaǵan.
Olar turǵyn úıdi jalǵa almaq bolǵan. Kúdiktilerdiń basqa eldiń azamattary ekeni anyqtaldy. Qazirgi ýaqytta olar qamaýda otyr.
IIM urlyq faktisi boıynsha sotqa deıingi tergeý júrgizilip jatqanyn málim etti.