Búgin saǵat 12:00-de Qaraǵandyda bokstan Qazaqstan birinshiliginiń fınaly bastalady, dep jazady Egemen.kz.
Fınal aldynda erler jáne áıelder arasynda 2 juptyń jekpe-jegi ótpeıtini belgili boldy.
Erler arasynda 67 kelide Túrkistan oblysy atynan synǵa túsken Tórehan Sabyrhan Qazaqstan chempıony atandy. Tórehanmen fınalda judyryqtasýy tıis bolǵan Mańǵystaý oblysynyń boksshysy Sanatáli Tóltaev jaraqatyna baılanysty sharshy alańǵa shyqpaıtynyn aıtty.
Áıelder quramasy sapynan Parıj Olımpıadasynyń qola júldegeri Nazym Qyzaıbaı 48 kelide Qazaqstannyń nómiri birinshi boksshysy bolyp qala bermek. Nazymmen fınalda qolǵap túıistirýi kerek bolǵan Qyzylorda oblysynyń sportshysy Aqbota Bolat jaraqatyna baılanysty jekpe-jekke shyqpaıdy.