Shemonaıha aýdanynyń prokýratýrasy áleýmettik jelilerde monıtorıng júrgizý barysynda balalar úıiniń túlegi A.V.O. quqyqtarynyń buzylǵanyn anyqtady, dep habarlaıdy Egemen.kz Bas prokýratýranyń baspasóz qyzmetine silteme jasap.
Anyqtalǵandaı, ol balalar úıinde bolǵan kezeńde Shemonaıha qalasynda ornalasqan turǵyn úı men jer ýchaskesi aýdan ákimdigi tarapynan zańsyz úshinshi tulǵalarǵa berilgen.
«Aýdandyq prokýratýra qyzmetkerleri tárbıelenýshige sotqa talap aryzyn daıyndaý men ony berý barysynda quqyqtyq kómek kórsetti. 2024 jyldyń mamyr aıynda Shyǵys Qazaqstan oblysynyń ákimshilik ister jónindegi mamandandyrylǵan aýdanaralyq sotynyń sheshimimen A.V.O. talap-aryzy qanaǵattandyrylyp, daýlasqan nysanǵa qatysty quqyq belgileıtin qujattar jaramsyz dep tanyldy», delingen habarlamada.
Qabyldanǵan sharalar ádildikti qalpyna keltirýge jáne balalar úıiniń tárbıelenýshisiniń quqyqtaryn qorǵaýǵa múmkindik berdi.